ءماجىلىس توراعاسى نۇرلان نىعماتۋلين كۆازيمەملەكەتتىك سەكتور ساتىپ الۋى تۋرالى جاڭا زاڭ وتاندىق تاۋار وندىرۋشىلەرگە باسىمدىق بەرە وتىرىپ، ساتىپ الۋ جۇيەسىنىڭ اشىقتىعىن جانە تيىمدىلىگىن قالىپتاستىرۋعا ىقپال ەتۋگە ءتيىس دەپ ەسەپتەيدى.

بۇل تۋرالى نۇرلان نىعماتۋلين ماجىلىستە «سامۇرىق-قازىنا» ۇلتتىق ءال-اۋقات قورى باسشىلارىنىڭ، ۇكىمەت مۇشەلەرىنىڭ، سونداي-اق «اتامەكەن» ۇكپ-نىڭ قاتىسۋىمەن وتكەن «كۆازيمەملەكەتتىك سەكتوردىڭ جەكەلەگەن سۋبەكتىلەرىن ساتىپ الۋ تۋرالى» زاڭ جوباسىن تالقىلاعان وتىرىس بارىسىندا ايتتى.

-   مەملەكەت باسشىسى قاسىم-جومارت كەمەلۇلى توقاەۆ ايتقانداي، كۆازيمەملەكەتتىك ساتىپ الۋ سالاسىنداعى اشىق جانە ءتيىمدى پروتسەستەر كوپتەگەن ەكونوميكالىق سۇراقتاردى شەشۋگە مۇمكىندىك بەرەدى. بىرىنشىدەن، وتاندىق ءوندىرىستى جانە ءوز ونىمدەرىمىزدى قولداۋعا  جول اشادى. ەكىنشىدەن، بۇل شاعىن جانە ورتا بيزنەسكە كومەك بولادى. وسىنىڭ بارلىعى، جۇمىس ورىندارىن ساقتاپ،  الەۋمەتتىك جاعدايدى دا ودان ءارى دامىتۋعا ىقپال ەتەدى، - دەدى ءماجىلىس توراعاسى.

جيىندا «سامۇرىق-قازىنا» ۇاق» اق باسقارما توراعاسى احمەتجان ەسىموۆ وتاندىق تاۋار وندىرۋشىلەردى قولداۋعا باعىتتالعان «سامۇرىق-قازىنا» اق ساتىپ الۋ جۇيەسى تۋرالى دەپۋتاتتار الدىندا بايانداما جاسادى.

قور باسقارماسى باسشىسىنىڭ ايتۋىنشا، ساتىپ الۋ قىزمەتىندە قابىلدانعان شارالار ەرەكشە وزەكتىلىككە يە بولىپ، پاندەميا مەن ەكونوميكالىق داعدارىس كەزەڭىندە ءوزىنىڭ تيىمدىلىگىن دالەلدەدى.

ولاردىڭ ىشىندە يمپورتتى الماستىرۋ باعدارلاماسى، ساتىپ الۋدى ساناتتىق باسقارۋ، تەندەرلەردىڭ مەرزىمدەرىن قىسقارتۋ، سونداي-اق كونكۋرستارعا قاتىسۋ ءۇشىن قاجەتتى قۇجاتتار سانى جانە ت. ب.

- وتاندىق كاسىپكەرلەردەن ساتىپ الۋ ۇلەسى 2019 جىلعى 45% - عا قاراعاندا 2020 جىلى 83% - دى قۇرادى. اعىمداعى جىلدىڭ 2 ايىندا ول 90% - عا دەيىن ءوستى. يمپورتتى الماستىرۋ باعدارلاماسى جاڭا وندىرىستەردى 76 ملرد. تەڭگەگە تىكەلەي قولداۋعا ىقپال ەتتى. تەك 2020 جىلى قازاقستاندىق كاسىپكەرلەرمەن 2,6 ترلن.تەڭگە. 280 مىڭ ادام جۇمىسپەن قامتىلدى، بيۋدجەتكە تولەنەتىن سالىق تولەمدەرىنىڭ كولەمى 170 ملرد. تەڭگەنى قۇرادى، - دەدى احمەتجان ەسىموۆ.

سونىمەن قاتار، باسقارماتوراعاسىنىڭ ايتۋىنشا، كۆازيمەملەكەتتىك سەكتور سۋبەكتىلەرىنىڭ ساتىپ الۋ تۋرالى جاڭا زاڭى ساتىپ الۋ جۇيەسىن جەتىلدىرۋگە ىقپال ەتپەك.

اتالعان زاڭ جوباسى تۋرالى ءماجىلىس توراعاسى بۇل رەتتە كۆازيمەملەكەتتىك سەكتور سۋبەكتىلەرى قىزمەتىنىڭ ەرەكشەلىكتەرىن ەسكەرەتىنىن اتاپ ءوتتى.

- ءبىزدىڭ ەلىمىزدە كۆازيمەملەكەتتىك سەكتور سۋبەكتىلەرى ءارتۇرلى ۆەكتورلى، كوپ سالالى سيپاتقا يە. ساتىپ الۋ راسىمدەرىن شامادان تىس ناقتىلاۋ كومپانيالاردىڭ وپەراتسيالىق قىزمەتىنە تەرىس اسەر ەتىپ، سونداي-اق ولاردىڭ ينۆەستيتسيالىق تارتىمدىلىق دەڭگەيىنىڭ تومەندەۋىنە اكەلۋى مۇمكىن. سوندىقتان بۇل زاڭ جوباسى كۆازيمەملەكەتتىك سەكتور سۋبەكتىلەرىنىڭ ساتىپ الۋىنا قاتىستى بازالىق قاعيداتتار مەن تاسىلدەردى قامتيدى،- دەدى نۇرلان نىعماتۋلين.

سونداي-اق، ءماجىلىس سپيكەرى زاڭ جوباسى، ءبىر جاعىنان، كۆازيمەملەكەتتىك سەكتور سۋبەكتىلەرىنىڭ ساتىپ الۋىنىڭ اشىقتىعى مەن باقىلانۋى كەرەكتىگىن ايتتى.

- ساتىپ الۋلاردىڭ تيىمدىلىگى، كۆازيمەملەكەتتىك سەكتوردا دا، اسىرەسە، قازىرگى قازاقستاننىڭ ەكونوميكالىق بەلسەندىلىگىن قالپىنا كەلتىرۋ كەزەڭىندە وتە وزەكتى. سوندىقتان ءبىزدىڭ مىندەتىمىز – وتاندىق تاۋار وندىرۋشىلەر ءۇشىن كۆازيمەملەكەتتىك سەكتوردىڭ ساتىپ الۋلارىنىڭ قولجەتىمدىلىگى مەن اشىقتىعىن ارتتىراتىن ساپالى زاڭ قابىلداۋ. مەملەكەت باسشىسى قاسىم-جومارت كەمەلۇلى توقاەۆ قازاقستان حالقىنا جولداۋىندا ءدال وسىنداي مىندەت قويدى. بۇگىن وسىندا، ماجىلىستە وتكەن مازمۇندى ديالوگ بىزگە-دەپۋتاتتارعا، ۇكىمەتكە جانە وتاندىق بيزنەس وكىلدەرىنە زاڭ جوباسى بويىنشا جۇمىستىڭ بىرىڭعاي ستراتەگياسىن ازىرلەۋگە مۇمكىندىك بەرەدى، - دەپ قورىتىندىلادى ءسوزىن نۇرلان نىعماتۋلين.

زاڭ جوباسىندا، اتاپ ايتقاندا، ساتىپ الۋدىڭ جاڭا ءتاسىلى – ەلەكتروندىق تەتىكتى ەنگىزۋ ۇسىنىلادى. ەگەر مۇنداي تاۋارلاردىڭ قۇندىق ماندەگى جىلدىق كولەمى اەك ون مىڭ ەسەلەنگەن مولشەرىنەن اسپاسا، ەلەكتروندىق كاتالوگتاعى بىرتەكتى تاۋارلارعا وسىنداي تاسىلمەن ساتىپ الۋدى جۇرگىزۋ جوسپارلانۋدا.

سونىمەن قاتار كونكۋرستان تىس ساتىپ الۋلارعا قويىلاتىن تالاپتاردى ارتتىرۋ ۇسىنىلادى. قوعامدىق باقىلاۋ ينستيتۋتى ەنگىزىلۋدە. سونداي-اق الەۋەتتى ءونىم بەرۋشىلەرگە شارت جاساسۋعا جول بەرىلمەيتىن ساتىپ الۋ قورىتىندىلارىنا شاعىمدانۋ ءۇشىن مەرزىم بەرۋ ۇسىنىلادى. كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋىن تولىق اۆتوماتتاندىرۋدى قامتاماسىز ەتۋ جوسپارلانۋدا، بۇل ەلەكتروندىق كامەرالدىق باقىلاۋدى قۇرۋعا مۇمكىندىك بەرەدى.

Abai.kz