قازاقستان 1992 جىلدىڭ 2 ناۋرىزىندا بىرىككەن ۇلتتار ۇيىمىنىڭ 168-ءشى مۇشەسى رەتىندە تىركەلدى. بۇل دۇنيەجۇزىلىك قوعامداستىق مويىنداعان ماڭىزدى وقيعا ەدى. سەبەبى، 1945 جىلى قۇرىلعان اتالمىش ۇيىم 76 جىل وتسە دە، قازىرگى تاڭعا دەيىن بالاماسىز جاھاندىق ۇيىم رەتىندە ادامزات قاجەتتىلىگى مەن مۇددەسى ءۇشىن قىزمەت ەتىپ كەلەدى.

قازاقستان تاۋەلسىزدىك العان ۋاقىتتان بەرى ۇيىم جارعىسىنىڭ قاعيداتتارى مەن ماقساتتارىن تولىق ۇستاناتىنىن بۇۇ-مەن تابىستى ارىپتەستىك ورناتۋ ارقىلى كورسەتىپ كەلەدى.

ماسەلەن، 29 جىل ىشىندە قازاقستان رەسپۋبليكاسىنىڭ پرەزيدەنتى بۇۇ-نىڭ شتاب-پاتەرىنە 11 رەت بارىپ، باس اسسامبلەيانىڭ جالپىساياسي دەباتتارىندا 9 مارتە ءسوز سويلەدى. ودان بولەك ۇيىمنىڭ باس حاتشىلارى كوفي اننان، پان گي مۋن جانە انتونيۋ گۋتتەريش قازاقستانعا رەسمي ساپارمەن بىرنەشە رەت كەلدى. ال، 2011-2013 جىلدارى قازاقستان پرەزيدەنتى قاسىم-جومارت توقاەۆ ۇيىمنىڭ باس حاتشىسىنىڭ ورىنباسارى – بۇۇ-نىڭ جەنەۆا بولىمشەسىنىڭ باس ديرەكتورى لاۋازىمىن اتقاردى.

ال، بۇۇ مىنبەرىنەن قازاقستان جاريالاعان نەگىزگى حالىقارالىق باستامالار قاتارىنا: 29 تامىزدى حالىقارالىق يادرولىق سىناقتارعا قارسى ءىس-قيمىل كۇنى دەپ جاريالاۋ، ازياداعى ءوزارا ءىس-قيمىل جانە سەنىم شارالارى جونىندەگى كەڭەستى شاقىرۋ، بيولوگيالىق قاۋىپسىزدىك جونىندەگى حالىقارالىق اگەنتتىكتى قۇرۋ، بۇۇ-نىڭ ورتالىق ازيا ەلدەرىنىڭ ەكونوميكاسى ءۇشىن ارنايى باعدارلاما قۇرۋ جانە تاعى باسقالار جاتادى.

2017-2018 جىلدارى قازاقستان ورتالىق ازيادا ءبىرىنشى بولىپ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى. بۇل – ەلىمىزدىڭ ۇيىم مۇشەلىگىندەگى شارىقتاۋ شەگى دەۋگە بولادى.

ال، 2017-2018 جىلدارى قازاقستان بىرىككەن ۇلتتار ۇيىمىنىڭ قاۋىپسىزدىك كەڭەسىن توراعاسى بولدى. وسى ۋاقىتتا قازاقستان حالىقارالىق ۇيىمنىڭ توراعاسى رەتىندە بىرىككەن ۇلتتار ۇيىمىنىڭ حاتشىلىعى ارقىلى قاۋىپسىزدىك كەڭەسىنىڭ ۇزدىكسىز كۇدەلىكتى جۇمىسىن اتقارىپ وتىردى.

قازاقستان توراعالىق ەتكەن ۋاقىتتا پىكىرتالاس پەن كونسۋلتاتسيا، بريفينگ فورماتىندا 30-عا جۋىق وتىرىس وتىكىزىلىپ، قورىتىندىلارى شىعارىلدى.

ماسەلەن، 2018 جىلدىڭ 18 قاڭتارىندا قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ بسشىلىق ەتۋىمەن “جاپپاي قىرىپ جويۋ قارۋىن تاراتپاۋ: سەنىم شارالارى” تاقىرىبىنداعى بريفينگ  قازاقستاننىڭ بىرىككەن ۇلتتار ۇيىمىنىڭ قاۋىپسىزدىك كەڭەسىندە توراعالىق ەتۋىنىڭ باستى شاراسى رەتىندە قاراستىرىلدى.

ايتا كەتۋ كەرەك، قازاقستان بىرىككەن ۇلتتار ۇيىمىنىڭ قاۋىپسىزدىك كەڭەسىنە سايلانعان ورتالىق ازياداعى العاشقى مەملەكەت.

قازاقستاننىڭ بۇۇ-عا توراعالىعى اياسىندا بىرىككەن ۇلتتار ۇيىمى قاۋىپسىزدىك كەڭەسى دەلەگاتسياسىنىڭ كابۋلعا ساپارى قازاقستان توراعالىعىنىڭ ماڭىزدى ءىس-شاراسى رەتىندە قاراستىرىلدى. شارا بارىسىندا ەل تىزگىنىن ۇستاعان ازاماتتار ازاماتتىق قوعام وكىلدەرى مەن ساياسي پارتيالاردىڭ وكىلدەرىمەن كەزدەستى. ساپار بارىسىندا اۋعانستان ۇكىمەتىنىڭ ءوزارا بايلانىس ماسەلەلەرىن شەشۋ جونىندەگى ماسەلەلەر قاراستىرىلدى.

ناتيجەسىندە، كابۋلداعى دالالىق ميسسيا  قاۋىپسىزدىك كەڭەسىنىڭ اۋعانستانعا العاشقى ساپارى بولدى.

سونىمەن قاتار، بىرىككەن ۇلتتار ۇيىمى اياسىندا قازاقستان تەرروريزمسىز الەمگە قول جەتكىزۋ جوباسى اياسىنداعى اۋقىمدى ءىس-شارا وتكىزدى. ونىڭ نەگىزگى ماقساتى – 20445 جىلعا دەيىن سەرىكتەس ەلدەردىڭ حالىقارالىق كواليتسياسىن قۇرۋ جانە تەرروريزمسىز الەم قالىپتاستىرۋ. قازاقستاننىڭ بۇل باستاماسى بۇۇ باسشىلىعى تاراپىنان جانە قاۋىپسىزدىك كەڭەسىنىڭ تەرروريزمگە قارسى بولىمشەلەرى تاراپىنان قىزۋ قولداۋعا يە بولدى.

ال، قازاقستاننىڭ توراعالىعىنىڭ ەرەكشەلىگى – بۇۇ قاۋىپسىزدىك كەڭەسىنە التى مەملەكەت مۇشە بولىپ تىركەلدى. ولار: نيدەرلاند، ەكۆاتورلىق گۆينەيا، كۋۆەيت، كوت-د يۆۋار، پەرۋ، پولشا مەملەكەتتەرى ەدى. ولار قاۋىپسىزدىك كەڭەسى زالىنىڭ الدىنا ءوز تۋلارىن ورناتتى.

قازاقستان ءوز كەزەگىندە بىرىككەن ۇلتتار ۇيىمىنىڭ قاۋىپسىزدىك كەڭەسىندە كۇن تارتىبىندەگى بارلىق ماسەلەلەردى بەيتاراپ شەشىپ، ترانسپارەنتتى جانە اشىق توراعالىق ەتتى.

ودان بولەك، قازاقستاننىڭ بۇۇ-مەن ەكىجاقتى قارىم قاتىناسى ەلىمىزدە دە قارقىندى دامۋ ۇستىندە. وعان دالەل- قر ۇكىمەتى مەن بۇۇ ىنتىماقتاستىعى جونىندەگى باعدارلاماسى.

بۇگىندە قازاقستاندا بۇۇ جۇيەسىنىڭ 23 قۇرىلىمى جۇمىس اتقارادى.

ال، 2019 جىلدىڭ 1 مامىرىندا الماتى قالاسىندا قر پرەزيدەنتىنىڭ قاتىسۋىمەن بۇۇ جۇيەسىنىڭ 16 ۇيىمى ورنالاسقان حالىقارالىق ۇيىمداردىڭ جاڭا عيماراتى اشىلدى.

Abai.kz