Freedom House ۇيىمى ازاماتتىق بوستاندىق دەڭگەيى رەيتينگىن جاريالاپتى. بۇل اقپاراتتى Currenttimasia سايتى جاريالادى. ول بويىنشا، قازاقستان ازاماتتارى «ەركىن ەمەس» ەلدەر قاتارىنا كىرىپ، 100 بالدان 23 بالل جيناعان.

جىل سايىن الەم ەلدەرىنىڭ ساياسي قۇقىقتىق، ازاماتتىق بوستاندىق دەڭگەيى بويىنشا رەيتينگتەرى جاسالادى. وعان سايكەس، مەملەكەتتەر «ەركىن»، «جارتىلاي ەركىن»، «ەركىن ەمەس» بولىپ بولىنەدى.

اتالعان ءتىزىم بويىنشا، «ەركىن» ەلدەر قاتارىنا: نورۆەگيا، فينليانديا، شۆەتسيا جاتادى ەكەن. سونداي-اق، ەڭ قۋاتتى ەكونوميكاسى بار جاپونيا، ۇلىبريتانيا، گەرمانيا، اقش مەملەكەتتەرى دە اتالعان ءتىزىمنىڭ كوشىن باستاپ تۇر.

ال، «ەركىن ەمەس» ەلدەر قاتارىنا: قازاقستان، رەسەي، بەلورۋس، ءازىربايجان، وزبەكستان، تاجىكستان، تۇركىمەنستان مەملەكەتتەرى توپتاستىرىلعان.

Freedom House الەمدەگى مەملەكەتتەر بيلىگىنىڭ مىنەز-قۇلقىن ەكى كريتەري بويىنشا باعالاعان:

- ساياسي قۇقىقتار، ازاماتتاردىڭ كوشباسشىلاردى تاڭداۋعا جانە قوعام ءۇشىن ماڭىزدى شەشىمدەردى قالىپتاستىرۋعا ەركىن قاتىسۋ مۇمكىندىگى;

- ازاماتتىق بوستاندىق ء(ىس جۇزىندە بۇقارالىق اقپارات قۇرالدارىنىڭ تاۋەلسىزدىگى مەن ازشىلىقتاردىڭ قۇقىقتارىن سەنىمدى قورعاۋ، مەملەكەت تاراپىنان پىكىرلەردى، ينستيتۋتتاردى جانە جەكە اۆتونوميانى دامىتۋ ەركىندىگى).

Abai.kz