«قازاقستان شەنەۋنىكتەرى مەن ۇكىمەت باسىنداعى ساياساتكەرلەردىڭ جەكە ۇشاقتارى بار ما» دەگەن سۇراق جۋرناليست ەربول ماندىبەك جاريالاعان اقپاراتتان كەيىن وزەكتىلىگىن ارتتىردى.

جۋرناليست ماندىبەك 2020 جىلى 20 ملرد تەڭگە بولاتىن قارجىعا ۇكىمەت مۇشەلەرى ۇشاق قىزمەتتەرىن پايدالانعانى جايلى ايتىپ، ەل اراسىندا ۇلكەن تالقى بولىپ ەدى.

بۇل اقپاراتتى رەسمي بيلىك وكىلدەرى جوققا شىعارىپ، «نەگىزسىز، شىندىققا جاناسپايدى» دەپ جاۋاپ قاتتى. الايدا قىمبات ۇشاقتاردى ساتىپ الۋ، جالداۋ تاجىريبەسى ەلىمىزدە كەڭىنەن قولدانىلاتىنى جاسىرىن ەمەس.

مىسالى 2020 جىلى پرەزيدەنت ءىس باسقارماسى Airbus A320 Neo ۇشاعىن ساتىپ العان. اتالمىش ۇشاقتىڭ سۋ جاڭاسىنىڭ قۇنى 110 ملن دوللاردى قۇرايدى. بۇل دەگەنىمىز 46 ملرد تەڭگە دەگەن ءسوز.

Airbus A320 Neo ۇشاعى Airbus A320 ۇشاعىنىڭ جاڭا ۇلگىسى. بۇل ۇشاق جايلى ءارى قاۋىپسىز اۋە كولىكتەرىنىڭ بىرىنە جاتادى. قاراپايىم كومپلەكتاتسياسىنىڭ ءوزى 80 ملن ەۋرونى قۇرايدى.

كەيىن  قر ۇلتتىق قاۋىپسىزدىك كوميتەتىندە دە سۋ جاڭا ۇشاق پايدا بولدى دەگەن اقپارات شىقتى. ول برازيليالىق Embraer 650. قۇنى 20 ملن دوللاردى قۇرايدى. بۇل تەڭگەگە شاققاندا 8.4 ملرد تەڭگە بولادى. ارينە بۇل ۇشاقتى Airbus A320 Neoمەن سالىستىرۋعا مۇلدە كەلمەيدى.

الايدا اقپاراتتارعا سەنسەك، ۇقك باسشىلىعى بۇل ۇشاقپەن ەمەس، جەتى جىل بۇرىن ساتىپ العان رەسەيلىك «Superjet» ۇشاعىن قولدانادى ەكەن.

ەل پرەزيدەنتى قاسىم-جومارت توقاەۆ قولدا بار اقپاراتتارعا سەنسەك Airbus 321-211 ۇشاعىن قولدانادى.

قازاقستان ۇكىمەتىنىڭ مۇشەلەرى مەن سەنات سپيكەرلەرى كوبىنە Airbus جانە Embraer ۇشاقتارىمەن ۇشاتىنى بەلگىلى.

Abai.kz