«الاش جولى» قوعامدىق قوزعالىسىنىڭ جەتەكشىسى ماقسات ءىلياسۇلى ءوزىنىڭ Facebook-تەگى جەكە پاراقشاسىندا قر ىشكى ىستەر ءمينيسترى ەرلان تۇرعىمباەۆقا سۇراق قويىپتى. ءبىز ماقسات ءىلياسۇلىنىڭ اتالعان ساۋالىن سايتتا جاريالاعاندى ءجون كوردىك.

قر ىشكى ىستەر ءمينيسترى
ە.ز.تۇرعىمباەۆقا!

قۇرمەتتى ەرلان زامانبەكۇلى!

قر «جەكە جانە زاڭدى تۇلعالاردىڭ وتiنiشتەرiن قاراۋ ءتارتiبi تۋرالى» زاڭىنىڭ 8, 9, 10 باپتارىنا سايكەس مىنا سۇراقتارعا رەسمي جاۋاپ بەرۋىڭىزدى سۇرايمىن:

1. قازاقستان تاۋەلسىزدىك العالى بەرگى ۋاقىتتا (سوڭعى 30 جىلدا) قىتاي مەملەكەتىنەن قازاقستان رەسپۋبليكاسىنا تۇراقتى قونىس اۋدارىپ، قازاقستاننىڭ ازاماتتىعىن العان ەتنيكالىق قىتايلاردىڭ ناقتى سانى قانشا؟

2. ونىڭ ىشىندە 2016 جىلدان بەرى قىتاي مەملەكەتىنەن قازاقستان رەسپۋبليكاسىنا تۇراقتى قونىس اۋدارىپ، قازاقستاننىڭ ازاماتتىعىن العان ەتنيكالىق قىتايلاردىڭ ناقتى سانى قانشا؟

سۇراق قويۋشى:

ماقسات ءىلياسۇلى نۇرىپباي،

«الاش جولى» قوزعالىسىنىڭ جەتەكشىسى

Abai.kz