بۇگىن قازاقستان رەسپۋبليكاسى كاسىپوداقتار فەدەراتسياسىنىڭ توراعاسى ساتىبالدى داۋلەتالين ادام قۇقىقتارى جونىندەگى كوميسسيا وتىرىسىنىڭ الدىندا تىلشىلەر سۇراعىنا جاۋاپ بەرە وتىرىپ، سوت جۇيەسىندە ەڭبەك سوتىن قۇرۋ تۋرالى باستاما كوتەرگەنىن مالىمدەدى.

 فەدەراتسيا توراعاسىنىڭ ايتۋىنشا، قازىرگى تاڭدا كاسىپوداقتار فەدەراتسياسىنا وتكەن جىلى 14 مىڭنان استام وسىنداي وتىنىمدەر كەلىپ تۇسكەن.

- جۇمىسكەرلەردىڭ قۇقىعىن قورعايتىن بىردەن ءبىر ۇيىم كاسىپواقتار فەدەراتسياسى. قازىر فەدەراتسيا قۇرامىندا ەكى ميلليونعا جۋىق ادام بار. سوندىقتان دا بۇل ماسەلە ءبىزدىڭ نەگىزگى باعىتتارىمىزدىڭ ءبىرى جانە بۇل وتە ماڭىزدى. 2020 جىلدىڭ اياسىندا 14 مىڭنان استام ادام وسىنداي وتىنىشپەن حات جازعان. ءبىز ازاماتتاردىڭ قۇقىعىن قورعاۋعا تالپىنساق، بىزگە كەلىپ جاتقان وتىنىشتەر مەن حاتتامالار وسىنى قامتيدى. بۇل نەگىزىنەن جالاقىنىڭ ۋاقىتىلى تولەنبەۋى، ەڭبەك قۇقىعىن قورعاۋ، جۇمىستان زاڭسىز بوساتىلۋ سەكىلدى ماسەلەلەردى قاراستىرۋدامىز،- دەدى قر كاسىپوداقتار فەدەراتسياسىنىڭ توراعاسى ساتىبالدى داۋلەتالين.

داۋلەتالين مىرزانىڭ سوزىنشە، كەلىپ تۇسكەن 14 مىڭنان استام ءوتىنىشتىڭ 85 پايىزى ءوز شەشىمىن وڭ تاپقان. سونداي-اق، ول فەدەراتسيا قۇرامىندا تاتۋلاسۋ ورتالىعى بار ەكەنىن العا تارتتى. ياعني، ازاماتتار سوتقا جەتكىزبەي ءوز ماسەلەلەرىن مەدياتسيا ارقىلى شەشۋىنە بولادى. ال، مۇنداي مەدياتسيا ورتالىقتارى 2018 جىلى بارلىق ايماقتاردا قۇرىلعان.

سونىمەن قاتار، فەدەراتسيا توراعاسى اتالعان جيىن بارىسىندا ۇسىنىلعان بىرنەشە ۇسىنىستارعا توقتالدى.

بىرىنشىدەن، ەڭبەك سوتىن قۇرۋ. ياعني، بۇل ەڭبەك قۇقىقتارىنا بايلانىستى تۋىنداپ وتىرعان ۇسىنىس. دالەتالين مىرزا بۇل تاجىريبەنىڭ شەت ەلدەردە كەڭىنەن قولدانىلاتىنىن ايتىپ ءوتتى.

- ال، ەڭبەك داۋلارىنىڭ بارلىعى دەرلىك ەڭبەك قۇقىعىنا بايلانىستى. سوندىقتان دا، سول ماسەلەلەردى جۇيەلى تۇردە قاراستىرۋ ءۇشىن جەكەلەگەن تۇردە ەڭبەك سوتىن قۇرۋعا ءتيىسپىز,- دەدى فەدەراتسيا توراعاسى.

Abai.kz