قازاقستاندا جاڭا ۇيالى بايلانىس وپەراتورى پايدا بولۋى مۇمكىن. بۇل تۋرالى اقپاراتتار اقپان ايىنان باستاپ شىقسا دا، ەندى ناقتىلانا باستادى. جاڭا بايلانىس وپەراتور قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ جيەنى، دەپۋتات داريعا نازارباەۆانىڭ ۇلى ءنۇرالى اليەۆكە تيەسىلى بولماق. ءنۇرالى 2021 جىلعى Forbes.kz رەيتينگىسى بويىنشا 36 ورىندى يەمدەنگەن بولاتىن. ونىڭ داۋلەتى 195 ملن دوللاردى قۇرايدى. ءنۇرالى اليەۆ "Capital Holding" جشس ينۆەستيتسيالارىنىڭ يەسى، "ترانستەلەكوم" اق-نىڭ باسىم اكتسيونەرى جانە ديرەكتورلار كەڭەسىنىڭ توراعاسى، "Darmen Holding" جانە "Nd Capital" ۆەنچۋرلىق قورىنىڭ قۇرىلتايشىسى. ول سونداي-اق حالىقارالىق "Zhanartu" قايىرىمدىلىق قورىنىڭ جانە حالىقارالىق "Snow Leopard Foundation" قورىنىڭ نەگىزىن قالاۋشى. 

جاڭا بايلانىس كومپانياسىنىڭ قۇرىلاتىندىعى جايلى باسەكەلەستىكتى دامىتۋ جانە قورعاۋ اگەنتتىگىنىڭ باسشىسى سەرىك جۇمانعارين مالىمدەدى.

"قازىرگى تاڭدا قازاقستاندا ەكى ۇيالى بايلانىس وپەراتورى بار، ولار  "قازاقتەلەكوم" (Tele2, Altel, Kcell يەلىك ەتەدى) جانە Beeline. قازىر ءبىز نارىقتا ءۇشىنشى وپەراتور پايدا بولۋى ءۇشىن جۇمىس ىستەۋدەمىز. بىراق ونىڭ وزىندىك ماسەلەلەرى بار، ول ماسەلە جاڭا وپەراتوردىڭ راديوتولقىندارعا شىعۋ مۇمكىندىگى جوق. ول راديوتولقىنداردى العىسى كەلسە، الدىمەن ليتسەنزيا ال دەيدى، ال ليتسەنزيا الۋعا اتتانسا، الدىمەن راديوتولقىنعا يەلىك ەت دەيدى. ونىڭ ولاردى الۋ مۇمكىندىگى جوق. قۇداي قالاسا كەلەر جىلى تاعى ءبىر ۇيالى بايلانىس وپەراتورى پايدا بولىپ قالار. بۇل جەرگىلىكتى "ترانستەلەكوم" وپەراتورى بولماق",- دەدى سەرىك جۇمانعارين.

جاڭا بايلانىس وپەراتورى پايدا بولىپ، بىردەن نارىقتى جاۋلاپ الۋى قيىن. بولجام بويىنشا جاڭا وپەراتور 2025 جىلعا قاراي جاقسى دەگەن كورسەتكىشتە 5%-دى يەمدەنۋى مۇمكىن. الايدا شىنايى كورسەتكىش تۇرعىسىنان ونى الۋ مۇمكىندىگى 1.5% دەڭگەيىندە بولۋى عاجاپ ەمەس. نارىققا شىعا سالا، جاۋلاپ الۋ ءۇشىن ۇلكەن جەڭىلدىكتەر مەن جاڭا تەحنولوگيالار كەرەك.

"نارىقتا جاڭا ويىنشىنىڭ پايدا بولۋى باسقا قاتىسۋشىلار ءۇشىن ۇنەمى الاڭداۋشىلىق تۋىنداتادى. الايدا قانداي دا ءبىر قورقىنىش، ۇرەي سەزىمى بولادى دەپ ويلامايمىن. قازىرگى نارىقتيا بار كومپانيالار تەحنولوگيالىق جانە ماركەتينگتىك تۇرعىدان العا جىلجىپ كەتكەن. جاڭا بايلانىس وپەراتورى قانداي ستسەناري تاڭداسا دا، كوشباسشىلاردى ەندى قۋىپ جەتە المايدى. جاڭا ويىنشى "ترانستەلەكوم" تۇتىنۋشىلارىن قاناعاتتاندىراتىن ساياسات ۇستانۋى مۇمكىن. كومپانيا ءوزىنىڭ قىزمەت پورتفوليوسىن كەڭەيتەدى، جان-جاقتى ۇسىنىس ارقىلى قولدانىستاعى ابونەنتتەردىڭ كىرىستىلىگىن ارتتىرادى. بىراق  نارىقتى ايتارلىقتاي قايتا ءبولۋدى بولجاۋعا نەگىز جوق",- دەيدى iKS-Consulting كومپانياسىنىڭ وكىلى، ساراپشى سۆەتلانا چەرنەنكو.

قازىر قازاقستاندا 24 ملن تەلەفونعا ارنالعان سيم-كارتا بار. ال حالىق سانى 18.5 ملن. بقل دەگەنىمىز نارىق تولدى دەگەندى بىلدىرەدى. جاڭا ويىنشى نارىقتى ەندى وزىنە جىلدام ينتەرنەت، ارزان باعامەن جاۋلاۋعا تىرىسپاسا، باسقا امالى جوق.

كا مىرزا 

Abai.kz