سوڭعى كوسمومونيتورينگ دەرەكتەرى بويىنشا ەلىمىزدە 40 ملن گا  جايىلىم جەر دۇرىس پايدالانىلماي وتىر. بۇل تۋرالى جەر كوميسسياسىنىڭ مۇشەسى مۇحتار تايجان مالىمدەدى. 

كوسمومونيتورينگ ەنگىزۋ زاڭعا ساي بولا تۇرا اۋىلشارۋاشىلىعى مينيسترلىگى «اتامەكەن» ۇكپ-نىڭ يتەرمەلەۋىمەن ونى 2020 جىلدىڭ جەلتوقسانىندا دورەكى تۇردە ءوشىرىپ تاستادى. ونى قايتا قوسىپ، دەرەكتەردى وڭدەۋ ءۇشىن قانشاما كۇش جۇمسالدى.

بۇل جۇمىستىڭ بارلىعى بيۋدجەت شىعىنىنسىز ىسكە اسىپ جاتقانىن اتاپ وتكىم كەلەدى. سونىمەن بىرگە بيىل بۇل جۇمىس يلون ماسكتىڭ Starlink جوباسىمەن قاتار بۇۇ حالىقارالىق ەلەكتربايلانىس وداعىنىڭ چەمپيوندىعىنا لايىق دەپ تابىلدى. مەن ول تۋرالى جازعان بولاتىنمىن:

https://www.facebook.com/mukhtar.taizhan/posts/3989052204512914

بىراق ءبىزدىڭ «اتامەكەنگە» تاۋەلدى نەمەسە ودان قورقاتىن شەنەۋنىكتەرگە Qoldau.kz جۇيەسى ۇنامايدى. جەلىدە ءبىز وعان ۇيىمداسقان شابۋىلداردى كورىپ وتىرمىز.

مىسالى مىناۋ:

https://eldala.kz/.../3746-atameken-pogreshnost-pri...

مىنە ەندى بۇگىنگى كۇنگە جاڭا، وزەكتى دەرەكتەر شىقتى. سىزدەر ولاردى مىنا سىلتەمە ارقىلى كورە الاسىزدار:

https://lands.qoldau.kz/ru/lands-map/unused-pastures

وسى سىلتەمە بويىنشا سىزدەر سونىمەن بىرگە 01.01.2022 جىلدان باستاپ جەر پايدالانۋشىنىڭ اتىن نەمەسە زاڭدى تۇلعانىڭ اتاۋىن بسن-ىمەن (بين) بىرگە كورە الاسىزدار. اشىق جەر كاداسترى جاڭا جىلدان باستاپ كۇشىنە ەنەدى، ول تۋرالى زاڭعا قول قويىلىپ قويدى.

بۇگىندە اۋىلدا تۇراتىن حالىقتىڭ جارتىسى ءشوپ جەتىسپەۋشىلىك پەن قۇرعاقشىلىقتان زارداپ شەگىپ وتىرعانىن بىلەسىزدەر. سوڭعى كوسمومونيتورينگ دەرەكتەرى بويىنشا بىزدە 40 ملن گا نەمەسە 400 مىڭ شارشى كيلومەتر جايىلىم دۇرىس پايدالانىلماي وتىرعانىن باياندايمىن!

بۇل از با، كوپ پە؟

بۇل گەرمانيا (83 ملن ادام), يتاليا (60 ملن ادام), پولشا (40 ملن ادام), جاپونيا (126 ملن ادام) سياقتى ەلدەردىڭ تەرريتورياسىنان دا ۇلكەن. بۇل اۋماققا ءتورت وڭتۇستىك كورەيا نەمەسە ون شۆەيتساريا سىيىپ كەتەدى!

مىنە، بىزدە مال شارۋاشىلىعىن دامىتۋعا وسىنشاما زور مۇمكىندىكتەر بار! وسىنشا زور مۇمكىندىك بولا تۇرا بىزدە مال جاياتىن جەر جوق! ءبىزدىڭ حالىق لاتيفۋنديستەردىڭ قىسپاعىندا قالىپ، ولاردىڭ دامۋىنا، بايۋىنا، وزدەرىن وزدەرى اسىراۋىنا سانالى تۇردە كەدەرگى كەلتىرىلىپ وتىر. جايىلىمدار بار بىراق ولار بىرەۋدىكى، قورشالعان، تەككە تۇر.

مۇمكىن حالىقتىڭ كەدەيلىگىنە بانكتەر مۇددەلى شىعار؟ ويتكەنى بوس جەرى جوق، ءوزىن ءوزى اسىراۋعا مۇمكىندىگى جوق ادام تۇتىنۋشىلىق نەسيە الىپ، بانكتەردىڭ نەسيە قۇلدىعىنا كىرەدى عوي.

قالاي بولعاندا دا مۇنى وزگەرتۋ كەرەك. پايدالانىلماي جاتقان جايىلىمداردى بوساتىڭىزدار، انا قورشاۋلاردى الىڭىزدار، سوندا بىزدە بيۋدجەتتەگى الەۋمەتتىك مەندەتتەمەلەردىڭ جارتىسى شەشىلەدى. حالىق اياققا تۇرىپ، ءوزىن ءوزى اسىراپ، بالالارىن وقىتىپ، ەكونوميكانى دۇرىس پايدالانىپ قانا قويماي جانداندىراتىن بولادى.

مۇحتار تايجان

Abai.kz