قازاقستاندا ءبىر جىلدا تۇرعىن ءۇيدى جالعا الۋ قۇنى 19%-عا وسكەن. 2021 جىلدىڭ قازان ايىندا جالعا بەرىلەتىن تۇرعىن ءۇيدىڭ قۇنى 2020 جىلدىڭ سايكەس كەزەڭىمەن سالىستىرعاندا رەكوردتىق 18,5%-عا ارتقان. ءبىر جىل بۇرىن باعا وسى ۋاقىتتا 9,8%-عا وسكەن ەدى. 

وڭىرلىك تۇرعىدا باعانىڭ جىلدىق ءوسىمى الماتى وبلىسىندا 4,2%-دان باتىس قازاقستان وبلىسىندا 37,4%-عا دەيىن اۋىتقيدى. ساراپشىلاردىڭ باعالاۋىنشا، قىركۇيەكتە باعانىڭ ءوسۋى 1,1%-دى قۇرادى. ال باعانىڭ اي سايىنعى ايتارلىقتاي ءوسۋى تامىزدا بايقالدى، تامىزدا شىلدەمەن سالىستىرعاندا باعا بىردەن 4,2%-عا وسكەن.

قىركۇيەك ايىندا ءوز كەزەگىندە جايلى تۇرعىن ءۇيدى جالعا الۋ تامىز ايىمەن سالىستىرعاندا 2,1%-عا ءوسىپ، شارشى مەترىنە ورتاشا ەسەپپەن 1877 تەڭگەنى قۇرادى.

اعىمداعى جىلدىڭ قىركۇيەگىندەگى ەڭ قىمبات جالعا الۋ نۇر-سۇلتان ء(بىر شارشى مەترگە 3443 تەڭگە) مەن الماتىدا ء(بىر شارشى مەترگە 3062 تەڭگە) بولعان. ارتىنشا اقتاۋ ء(بىر شارشى مەترگە 2359 تەڭگە) جانە تۇركىستان ء(بىر شارشى مەترگە 2307 تەڭگە) قالالارى جايعاسىپتى. ەڭ ارزان تۇرعىن ءۇيدى تارازدا (شارشى مەترىنە 1370 تەڭگە), قىزىلوردادا (1398 تەڭگە) جانە سەمەيدە (1452 تەڭگە) جالعا الۋعا بولادى.

Abai.kz