قازاقستاندا "QazBioPharm ۇلتتىق حولدينگى" قۇرىلدى. جەلىدە ۇكىمەت قاۋلىسى جاريالاندى. بۇل تۋرالى تengrinews.kzكە سالتەمە جاساپ Abai.kz حابارلايدى. 

جارعىلىق كاپيتالىنا مەملەكەت ءجۇز پايىز قاتىساتىن "QazBioPharm ۇلتتىق حولدينگى" اكتسيونەرلىك قوعامى قۇرىلادى.

حولدينگ قىزمەتىنىڭ نەگىزگى ءمانى: بيولوگيالىق قاۋىپسىزدىكتى قامتاماسىز ەتۋ، بيوفارماتسەۆتيكالىق نارىق ينفراقۇرىلىمىن ورنىقتى دامىتۋ جانە جەتىلدىرۋ، بيوفارماتسەۆتيكالىق عىلىم مەن ونەركاسىپتى دامىتۋدى ىنتالاندىرۋ، سونداي-اق مەملەكەت پەن قوعامنىڭ بيوفارماتسەۆتيكالىق ونىمگە قاجەتتىلىگىن قامتاماسىز ەتۋ ماقساتىندا جارعىلىق كاپيتالدارىنا مەملەكەتتىك قاتىسۋ ۇلەستەرى حولدينگتىڭ يەلىك ەتۋى مەن پايدالانۋىنا بەرىلەتىن زاڭدى تۇلعالاردى ءتيىمدى باسقارۋ.

حولدينگ اكتسياسىنىڭ مەملەكەتتىك پاكەتىن يەلەنۋ جانە پايدالانۋ قۇقىعىن دەنساۋلىق ساقتاۋ مينيسترلىگى بەرەدى.

QazBioPharm جارعىلىق كاپيتالى "ينفەكتسياعا قارسى پرەپاراتتار عىلىمي ورتالىعى" اكتسيونەرلىك قوعامى اكتسيالارىنىڭ مەملەكەتتىك پاكەتىن بەرۋ ەسەبىنەن قاراستىرىلادى.

سونىمەن قاتار، ءبىلىم جانە عىلىم مينيسترلىگىنىڭ عىلىم كوميتەتى دەنساۋلىق ساقتاۋ مينيسترلىگى قۇزىرىنا بەرىلەدى:

بيولوگيالىق قاۋىپسىزدىك ماسەلەلەرىنىڭ عىلىمي-زەرتتەۋ ينستيتۋتى;
ۇلتتىق بيوتەحنولوگيا ورتالىعى (ۇبو);
رەسپۋبليكالىق ميكروورگانيزمدەر كوللەكتسياسى (ركم).
دەنساۋلىق ساقتاۋ مينيسترلىگى ءتيىستى سالانى باسقارۋ جونىندەگى ۋاكىلەتتى ورگان بولىپ بەلگىلەندى.

Abai.kz