امەريكا قۇراما شتاتتارى بەيجىڭدەگى قىسقى وليمپيادا ويىندارىنا قاتىسۋ ءۇشىن 18 شەنەۋنىككە ۆيزا الۋعا ءوتىنىش بەرگەنىن راستادى.

مەملەكەتتىك دەپارتامەنتتىڭ حابارلاۋىنشا، اقش امەريكالىق سپورتشىلاردىڭ قاۋىپسىزدىگىن قامتاماسىز ەتۋ ءۇشىن كونسۋلدىق جانە ديپلوماتيالىق قىزمەت كورسەتۋ ماقساتىندا قىتايعا شەنەۋنىكتەرىن جىبەرمەك. دەپارتامەنت بۇل قادام بەيجىڭدەگى قىسقى وليمپيادا ويىندارىنىڭ رەسمي نەمەسە ديپلوماتيالىق وكىلدىگى بولىپ تابىلمايتىنىن اتاپ ءوتتى.

«ءبىز ءوزىمىزدىڭ سپورتشىلارىمىزدىڭ، جاتتىقتىرۋشىلارىمىزدىڭ، نۇسقاۋشىلارىمىزدىڭ جانە پەرسونالىمىزدىڭ قاۋىپسىزدىگىن قامتاماسىز ەتۋ ءۇشىن، كونسۋلدىق جانە ديپلوماتيالىق قىزمەتتەرىن ۇسىنۋعا نيەتتىمىز»، - دەدى ءباسپاسوز حاتشىسى.

دەرەككوزدەر اقش قىزمەتكەرلەرىنىڭ كوپشىلىگى مەملەكەتتىك دەپارتامەنتتىڭ ورتا جانە تومەنگى دەڭگەيدەگى شەنەۋنىكتەرى ەكەنىن جانە ولاردان كەيىن تاعى 40 ادامعا ءوتىنىش بەرۋى مۇمكىن ەكەنىن ايتادى.

Abai.kz