ۇلتتىق گۆارديا جاۋىنگەرلەرىن ماڭعىستاۋعا جىبەرۋ تۋرالى حابارلاندى، بىراق وبلىستىق اكىمدىكتە "مۇنداي اقپارات جوق" دەپ حابارلايدى قازتاگ اگەنتتىگىنە سىلتەمە جاساپ Abai.kz.

رەداكتسياعا دۇيسەنبى كۇنى تۇسكەن حابارلامادا "ۇلتتىق گۆارديانىڭ اۋە ۇشاقتارى ۇشىپ كەتتى، قازىر اقتاۋعا جەتكەن شىعار. كەم دەگەندە ەكى بورت كەتتى" دەلىنگەن.

قازتاگ اگەنتتىگى ىشكى ىستەر مينيسترلىگىنىڭ رەسمي وكىلى ءنۇردىلدا ورازعا، ءىىم ءباسپاسوز قىزمەتىنىڭ WhatsApp رەسمي نومىرىنە، سونداي-اق ماڭعىستاۋ وبلىسى پوليتسيا دەپارتامەنتى مەن اكىمىنىڭ ءباسپاسوز قىزمەتىنە وسى اقپاراتتى راستاۋ، تەرىسكە شىعارۋ نەمەسە تۇسىنىكتەمە بەرۋ تۋرالى ءوتىنىش جولداعان. الايدا، ماڭعىستاۋ وبلىسى اكىمىنىڭ ءباسپاسوز حاتشىسى سەرىكجان ەرمەنتاەۆ "مۇنداي ونداي اقپاراتتىڭ جوق» ەكەنىن ايتقان.

پوليتسيا وكىلدەرى دە بۇل اقپارات دايىندالعان كەزدە ەشقانداي تۇسىنىكتەمە بەرمەگەن. ەستەرىڭىزگە سالا كەتەيىك، 2 قاڭتار كۇنى جاڭاوزەن تۇرعىندارى جاپپاي كوشەگە شىعىپ، سۇيىتىلعان گاز باعاسىن تومەندەتۋدى تالاپ ەتكەن بولاتىن. نارازىلىققا جاۋاپ رەتىندە جەرگىلىكتى بيلىك "نارىقتىق جاعدايلارعا" سىلتەمە جاساي وتىرىپ، باعانىڭ وسۋىنە "ناقتى سەبەپتەر" بار ەكەنىن ايتتى، بىراق بۇل تۇسىنىكتەمە جەرگىلىكتى تۇرعىنداردىڭ كوڭىلىن كونشىتپەدى. ءوز كەزەگىندە ماڭعىستاۋ وبلىسىنىڭ اكىمدىگى اۆتوكولىك يەلەرىنە ء"تۇسىندىرۋ جۇمىستارىن" جۇرگىزۋ تۋرالى مالىمدەدى. كەيىن گاز باعاسىنا اشۋلانعان اۆتوكولىك يەلەرى ماڭعىستاۋعا نۇر-سۇلتاننان جاۋاپتى ادامداردىڭ كەلۋىن تالاپ ەتتى. تۋىنداعان شيەلەنىسكە بايلانىستى ەنەرگەتيكا مينيسترلىگى گازعا باعا بەلگىلەۋدىڭ تەڭگەرىمدىلىگى تۋرالى مالىمدەدى. بيلىكتىڭ تالاپتارىنا قاراماستان، كوگىلدىر وتىن باعاسىنىڭ وسۋىنە نارازى ادامدار قاراڭعى تۇسكەننەن كەيىن دە كوشەلەردى جاۋىپ تاستادى. ازاماتتاردىڭ پىكىرىنشە، باعانىڭ ءوسۋى باسقا تاۋارلاردىڭ، ەڭ الدىمەن ازىق – تۇلىكتىڭ قىمباتتاۋىنا سەبەپ بولماق.

3 قاڭتارعا قاراعان ءتۇنى قازاقستان پرەزيدەنتى قاسىم-جومارت توقاەۆ Twitter-دە جاعدايعا ءۇن قاتىپ، ۇكىمەتكە تاپسىرما بەرگەنىن مالىمدەدى.
بۇگىن ايماقتاعى جۇمىسشىلاردىڭ تاعى ءبىر بولىگى گاز باعاسىنىڭ جاعدايىنا بايلانىستى ەرەۋىلگە شىعامىز دەپ قورقىتقان. بەلگىلى بولعانداي، ماڭعىستاۋ وبلىسىندا نارازىلىق بىلدىرۋشىلەردىڭ سانى ارتىپ كەلەدى، پوليتسەي كولىكتەرى بايقالدى، سونىمەن قاتار ءىرى ەلدى مەكەندەردە ينتەرنەتكە شىعۋ ماسەلەلەرى تۋىنداعان.

ء"بىز باعانىڭ وسۋىنە بايلانىستى ءوز تالاپتارىمىزدى قويامىز – گازعا، تاماققا باعانى تومەندەتۋ كەرەك", - دەدى جەرگىلىكتى تۇرعىن جينالىستاردىڭ بىرىندە.
قازىردە قازتاگ رەداكتسياسىنا ءوڭىردىڭ ءار تۇكپىرىنەن بەينەكادرلار كەلىپ جاتىر. بەينەجازبالاردا جەرگىلىكتى تۇرعىندار مەن ەڭبەك ۇجىمدارى باعانىڭ وسۋىنە نارازىلىعىن بىلدىرۋدە.

"باعانى ت95-98 ارالىعىندا ۇستاپ تۇرمىز، اقجىگىتتە (ماڭعىستاۋ وبلىسى بەينەۋ اۋدانىنداعى اۋىل)گاز ت90, بورانقۇل جانارماي بەكەتتەرىندە گاز ت95. وزەن تۇرعىندارى ماسەلەنى توتەسىنەن قويىپ تۇر، بىراق ءبىز باعانى تومەندەتىپ بۇل ماسەلەنى شەشە المايمىز. گازدىڭ باعاسى ەلەكتروندى ساۋدا الاڭى ارقىلى انىقتالادى، جەرگىلىكتى كاسىپكەرلەر ساۋدا - ساتتىققا قاتىسىپ، ساتىپ الادى", - دەپ جينالعاندارعا جاۋاپ قاتقان ەر ادام بەينەجازبالاردىڭ بىرىندە. سونىمەن قاتار، تاعى ءبىر بەينەجازبادا بىرنەشە جەڭىل پوليتسيا كولىكتەرى قورشاعان پوليتسيا اۆتوزاك كولىگى كورىندى.

Abai.kz