«قازترانسويل» اق باسقارماسىنىڭ ەكى ورىنباسارى قىزمەتتەن بوساتىلدى»، - دەپ حابارلادى كومپانيا.

«قازترانسويل» اق (قتو) باس ديرەكتورىنىڭ ەكى ورىنباسارى: دانيار مۇحامەد-راحيم جانە شىڭعىس سەيسەكەنوۆ كومپانيا باسقارماسىنان شىعارىلدى»،- دەپ جازدى قازاقستان قور بيرجاسى (KASE) سايتى.

قۇجاتقا سايكەس ديرەكتورلار كەڭەسى 28 قاڭتاردا شەشىم قابىلداعان.

ايتا كەتەيىك، دانيار مۇحاممەد-راحيم 2020 جىلدىڭ ماۋسىمىنان باستاپ «قازترانسويل» اق باس ديرەكتورىنىڭ ورىنباسارى قىزمەتىن اتقارىپ كەلگەن، ال، شىڭعىس سەيسەكەنوۆ - 2016 جىلدىڭ تامىزىنان باستاپ وسى جەردە جۇمىس ىستەگەن.

ەنەرگەتيكا مينيسترلىگى كومپانيانىڭ ديرەكتورلار كەڭەسى شەشىمىنە قاتىستى تۇسىنىكتەمەسىندە: «قر ەنەرگەتيكا مينيسترلىگى كومپانيالاردىڭ كادرلىق ساياساتىنا ارالاسپايدى، ولار – دەربەس قىزمەت اتقارادى»، - دەپ جاۋاپ بەردى.

سونىمەن قاتار، قۇجاتتا «قازترانسويل» اق باسقارماسىندا التى ادام قالدى: ءسابيت ارىنوۆ، ەربولات مەڭدىباەۆ، الەن تاڭاتاروۆ، جايىق ماحين، شارا ءادىلوۆا جانە جايدارمان ىسقاقوۆ»، - دەپ جازىلعان.

Abai.kz