ۇلتتىق وليمپيادا كوميتەتى بەيجىڭدە ەل نامىسىن قورعايتىن سپورتشىلاردىڭ تولىق ءتىزىمىن جاريالادى، دەپ حابارلايدى Olympic.kz.

تورتكۇل دۇنيە كوز تىگەتىن دوداعا قازاقستان اتىنان 34 سپورتشى قاتىسادى.

شاڭعىمەن جارىسۋدان ەل اتىنان ەكى ەر ادام جانە بەس ايەل ادام سىنعا تۇسەدى.

فريستايل-موگۋلدان باق سىنايتىن سپورتشىلار بۇگىن جارىس جولىنا شىعادى.

شاڭعى اكروباتيكاسىنان جانبوتا الدابەرگەنوۆا، اقمارجان قالمۇرزاەۆا جانە شەرزود حاشيرباەۆ قازاقستان نامىسىن 10 اقپان كۇنى قورعايدى.

تاۋ شاڭعىسىنان قازاقستاندىق زاحار كۋچين سلالوم مەن گيگانتتى سلالومدا سىنعا تۇسسە، ايەلدەر اراسىنداعى سلالومدا الەكساندرا ترويتسكايا 9 اقپاندا جارىس جولىنا شىعادى.

شاڭعىمەن سەكىرۋدەن سەرگەي تكاچەنكو مەن دانيل ۆاسيلەۆ وليمپيادا جولداماسىن يەلەندى، شاڭعى قوسسايىسىنان شىڭعىس راكپاروۆقا سەنىم ارتامىز. ول اتالعان سپورت ءتۇرى بويىنشا وليمپياداعا العاش رەت قاتىسىپ وتىرعان قازاقستاندىق رەتىندە تاريحتا قالماق.

بياتلوننان گالينا ۆيشنەۆسكايا-شەپورەنكو، الەكساندر مۋحين مەن ۆلاديسلاۆ كيرەەۆكە جانكۇيەر بولامىز. كونكيمەن جۇگىرۋ سپورتىن 5 اقپاندا تاماشاي الامىز.

شورت ترەكتەن بەس سپورتشى باق سىنايدى. ولار دا 5 اقپان كۇنى باق سىنايدى.

Abai.kz