بەلگىلى ساياساتكەر، ەكونوميست مۇحتار تايجان ءوزىنىڭ Facebook جەلىسىندەگى پاراقشاسىندا «قازاقستان لاتيفۋنديستەرىنىڭ ءتىزىمى» دەگەن اتپەن ءىرى جەر يەلەنۋشىلەر سانالاتىن 25 سەرىكتەستىڭ (جشس) ءتىزىمىن جاريالادى.

«مىنە، اشىق كاداستردىڭ ارقاسى. ازىرگە حولدينگتەر جوق. قاراپايىمدارىنان باستايمىز. 100 مىڭ جانە ودان دا كوپ گەكتارلاعان جەرلەر تىركەلگەن كومپانيالاردى جاريالايمىز. ازىرگە حولدينگتەر جوق، بىراق ول باعىتتى جۇمىس ىستەپ جاتىرمىز.

«لاتيفۋنديست» ءسوزىن تەرىس ماعىناسىندا تۇسىنبەڭىز. ءبىز ءۇشىن بۇل – ءىرى جەر يەلەنۋشىسى. جانە تىركەلگەن اۋماقتى (وبلاست) كورسەتتىك. بىراق، سەرىكتەستىكتىڭ جەرى ءتىپتى باسقا وڭىردە نەمەسە وڭىرلەردە بولۋى مۇمكىن. ەگەر كىم-كىمدى ۇمىت قالدىرساق، جازىڭىزدار. تىزىمگە قوسىپ قويامىز»، - دەپ جازدى مۇحتار بولاتحانۇلى.

سونىمەن، مۇحتار تايجان ۇسىنعان ءتىزىم مىناداي ەكەن:

1. «سەنەك» جشس، ماڭعىستاۋ وبلىسى. جايىلىم جەر – 1,9 ملن گا;

2. «QAZAQ STEPPE SHEEP» جشس، قاراعاندى وبلىسى. جايىلىم جەر – 1 ملن گا;

3. «جاڭا-تان» جشس، اتىراۋ وبلىسى. جايىلىم جەر – 270 مىڭ گا;

4. «اگروفيرما كزىلتۋ – نان» جشس، سولتۇستىك قازاقستان وبلىسى. جايىلىم جەر – 95 مىڭ گا. ەگىستىك جەر – 143 مىڭ گا;

5. «تاۋشىق» اۋىل شارۋاشىلىعى» جشس، ماڭعىستاۋ وبلىسى. جايىلىم جەر – 213 مىڭ گا;

6. «التىنسارينو» جشس، قوستاناي وبلىسى. جايىلىم جەر – 58 مىڭ گا. ەگىستىك جەر – 148 مىڭ گا;

7. «كاراگانتۋبەك» جشس، ماڭعىستاۋ وبلىسى. جايىلىم جەر – 199 مىڭ گا. ەگىستىك جەر – 155 گا;

8. «ەۆرازيا-ينۆەست» جشس، قوستاناي وبلىسى. جايىلىم جەر – 188 مىڭ گا;

9. «التىن-اسەل» جشس، اقتوبە وبلىسى. جايىلىم جەر – 180 مىڭ گا. شابىندىق جەر – 700 گا;

10. «پلەمەننوي زاۆود «جەنيس» جشس، قاراعاندى وبلىسى. جايىلىم جەر – 165 مىڭ گا. شابىندىق جەر – 50 گا;

11. «پلەمزاۆود كالباتاۋ» جشس، شىعىس قازاقستان وبلىسى. جايىلىم جەر – 135 مىڭ گا. ەگىستىك جەر – 9,8 مىڭ گا. شابىندىق جەر – 1,9 مىڭ گا;

12. «اقجار ءوندىرىس» جشس، پاۆلودار وبلىسى. جايىلىم جەر – 128 مىڭ گا. ەگىستىك جەر – 7 مىڭ گا. شابىندىق جەر – 3 مىڭ گا;

13. «ميالىتاۋ» جشس، اقتوبە وبلىسى. جايىلىم جەر – 129 مىڭ گا. ەگىستىك جەر – 7 مىڭ گا;

14. «سۋيۋندۋكسكي وۆتسەپلەمزاۆود» جشس، اتىراۋ وبلىسى. جايىلىم جەر – 134 مىڭ گا;

15. «بىرلىك مال زاۋىتى» جشس، باتىس قازاقستان وبلىسى. جايىلىم جەر – 118 گا. شابىندىق جەر – 6,5 مىڭ گا;

16. «جۋراۆلەۆكا-1» جشس، اقمولا وبلىسى. جايىلىم جەر – 21 مىڭ گا. ەگىستىك جەر – 100 مىڭ گا. شابىندىق جەر – 2 مىڭ گا. كوپجىلدىق ەگىندىك – 30 گا;

17. «ابس جاركول» جشس، قوستااني وبلىسى. جايىلىم جەر – 99 مىڭ گا. ەگىستىك جەر – 21 مىڭ گا. شابىندىق جەر – 2 مىڭ گا;

18. «تايبۋرىل» شق، اقتوبە وبلىسى. جايىلىم جەر – 122 مىڭ گا;

19. «اسكوپ» جشس، اقمولا وبلىسى. جايىلىم جەر – 1,5 مىڭ گا. ەگىستىك جەر – 120 مىڭ گا;

20. «رياجسكوە» جشس، قوستاناي وبلىسى. جايىلىم جەر – 9 مىڭ گا. ەگىستىك جەر -104 مىڭ گا;

21. «اگروفيرما ديەۆسكايا» جشس، قوستاناي وبلىسى. جايىلىم جەر – 46 مىڭ گا. ەگىستىك جەر – 66 مىڭ گا;

22. «وتقانجار» جشس، قاراعاندى وبلىسى. جايىلىم جەر – 98,6 مىڭ گا. ەگىستىك جەر – 8,3 مىڭ گا. شابىندىق جەر – 4,5 مىڭ گا;

23. «جانا - جول» جشس، اقمولا وبلىسى. جايىلىم جەر – 68 مىڭ گا. ەگىستىك جەر – 40 مىڭ گا;

24. «ارىستان-پك» جشس، قوستاناي وبلىسى. جايىلىم جەر – 21 مىڭ گا. ەگىستىك جەر – 83 مىڭ گا;

25. «توكا KZ» جشس، قاراعاندى وبلىسى. جايىلىم جەر – 99,4 مىڭ گا.

ەسكەرتۋ: اتالعان ءتىزىمدى جاساردا مەملەكەتتىك جەر كاداسترىنىڭ اۆتوماتتاندىرىلعان اقپاراتتىق جۇيەسىندەگى (ايس گزك), Qoldau.kz جەر كاداسترىنداعى اشىق دەرەكتەر، قر قارجى مينيسترلىگىنىڭ مەملەكەتتىك كىرىستەر كوميتەتىنىڭ مالىمەتتەرى، قر جوعارعى سوتىنىڭ «سوت كابيتەنى» بازاسى جانە وزگە دە باق-تا جاريالانعان اشىق مالىمەتتەر قولدانىلعان.

Abai.kz