"2 مىڭ اۆتوبۋس ساتىپ الۋ جونىندەگى تاپسىرما بىشكەك اكىمدىگىنە بەرىلگەن. قاراجات تابىلدى، مىڭ اۆتوبۋستى بەلارۋستان، تاعى ءبىر مىڭىن قازاقستاننان ساتىپ العىمىز كەلەدى. بىراق ءوزىمىزدىڭ اۆتوبۋس وندىرۋشىلەردىڭ ءونىمىنىڭ ساپاسى تالاپقا ساي بولسا، ونى دا كورەمىز", - دەدى جاپاروۆ.

قازاقستان بيىل قىرعىزستانعا Yutong ماركالى 1 مىڭ اۆتوبۋس جەتكىزەتىنى 2021 جىلدىڭ اياعىندا ءمالىم بولدى. قىرعىزستان ۇكىمەتىنىڭ دەلەگاتسياسى 8 جەلتوقساندا نۇر-سۇلتان قالاسىندا ارنايى مەموراندۋمعا قول قويدى.

بىشكەك اكىمدىگىنىڭ مالىمەتىنشە، بالانستاعى 476 اۆتوكولىك بار بولسا، سونىڭ ىشىندەگى 300 اۆتوبۋستىڭ توزىعى جەتكەن. قازىر 130 تروللەيبۋس پەن 82 اۆتوبۋس جولاۋشى تاسىپ ءجۇر. بيلىك قوعام تاسىمالىن دۇرىس ۇيىمداستىرۋ ءۇشىن كەمىندە 1500 اۆتوبۋس كەرەك دەيدى.

Abai.kz