جاعداي جامان ەمەس. سۋۆەرەندى رەيتينگ ءوز ورنىندا قالدى جانە ەندى تەڭگە كەرىسىنشە كۇشەيەتىن بولادى. جالپى ءبىزدىڭ بولاشاعىمىز مىقتى.
كەشە مەن بۇگىن وتە جاقسى ەكى سيگنال الدىق. باسىندا ۋايىمداپ جۇرگەنمىن، ال ەندى الاڭداماي ۇيىقتاۋعا بولادى.

ءبىرىنشى سيگنال ۇلىبريتانيادان كەلدى. ولار سانكتسيا سالۋ تۋرالى جوسپاردىڭ جوقتىعىن ايتتى. بۇل جەردە لوندوننىڭ بۇكىل باتىستىڭ اتىنان سويلەپ تۇرعانىن ەسكەرۋ كەرەك. دەمەك، ءبىزدىڭ ەلدىگىمىزدىڭ باستى قاتەرى - سانكتسيانىڭ ىرگەسى اۋلاق. تەك ءوزىمىز ەشتەڭە ءبۇلدىرىپ الماۋىمىز ءتيىس.

ەكىنشى سيگنال دا مايداي جاقتى. S&P قازاقستاننىڭ سۋۆەرەندى رەيتينگىن راستادى جانە "ۆۆۆ- تۇراقتى" دەڭگەيىندە قالدىردى. دەمەك، ينۆەستيتسيالىق رەيتينگىمىز وتە جاقسى جانە بىزگە دەگەن حالىقارالىق ينۆەستورلاردىڭ سەنىمى جوعارى بولادى. ودان بولەك، S&P بولجامى بويىنشا جاز ايلارىنان باستاپ ءبىزدىڭ تەڭگە قايتادان كۇشەيۋى ءتيىس. ەكونوميكامىز بيىل 3,6 پايىزعا وسەدى. ينفلياتسيا 5 پايىزعا تومەندەيدى.

بۇل تۇرعىدا بىزگە رەلوكاتسيا بويىنشا ۇلكەن پەرسپەكتيۆالار اشىلىپ وتىر. ول - رەسەيدەن كەتكەن وندىرىستىك برەندتەردى بىزگە تارتىپ الۋ. تويوتا، نيسسان، Danone, IT يندۋستريا، تب. ولاردى تەز بىزگە كەلتىرۋ ءۇشىن اشىق نارىق پەن تولىق دەموكراتياعا بەت بۇرعانىمىزدى كورسەتۋ كەرەك. بىزدە مفتسا-دا بريتان پراۆوسى جۇمىس ىستەيدى، سونىمەن بىرگە ايتىلىپ جۇرگەن ازاپتاۋ وقيعالارىن بارىنشا قاتاڭ زەرتتەپ، حالىقارالىق قاۋىمداستىقتى ەندى ونداي جاعداي قايتالانبايدى دەپ سەندىرۋ اسا قاجەت.
مىسالى، ەگەر توyota Camry قازاقستاندا جينالاتىن بولسا، ءبىزدىڭ ەكونوميكانى ەشتەڭە دە توقتاتا المايدى.

وسى ۋاقىتتا رەسەيدىڭ ەكونوميكاسى مەن ارمياسى ابدەن توقىرايتىن بولسا، 2-3 جىلدىڭ ىشىندە ءبىز ەاەس اياسىندا رەسەي مەن بەلارۋسكە تولىق ەكونوميكالىق ديكتات جۇرگىزىپ، ولاردى ەكونوميكالىق جاعىنان وزىمىزگە باعىنىشتى ەلدەرگە اينالدىرا الامىز.

رەسەي ءىجو-ءسى بويىنشا تسيفرلار ءالى شىعا قويمايدى، بىراق 2022 جىلدىڭ قورتىندىسى بويىنشا ەكونوميكالىق جاعىنان قازاقستان تمد-داعى ەڭ مىقتى مەملەكەتكە اينالۋى مۇمكىن.

ايبار ولجاەۆ

Abai.kz