اكىمدەر سايلانۋ كەرەك. ولار سايلانباسا حالىق باقىتتى بولا المايدى، سەبەبى تاعايىندالعان اكىمدەر حالىقتىڭ قامىن ەشقاشان ويلامايدى. تاعايىندالعان اكىمدەر تەك قانا ولاردى تاعايىنداعان باستىقتارىنىڭ ءسوزىن سويلەيدى. سايلانعان اكىم كۇشتى اكىم، تاعايىندالعان اكىم ءالسىز اكىم.
كەي ازاماتتار اناۋ 30 جىل بويى بيلىك سايرايتىن ءانىن ءالى دە سايراپ تۇر. سايلانعان اكىمدەر مىندەتتى تۇردە سەپاراتيزم پيعىلىن باستايدى، دەپ. وعان توتەپ بەرەتىن تاسىلدەر ول بىرىنشىدەن قىلمىستىق كودەكس، ەكىنشىدەن سايلاناتىن اكىمدەر مەملەكەتتىك تىلىنەن ەمتيحان تاپسىرسىن، پرەزيدەنت قۇساپ.

نە دەگەن قورقاقتىق ۇستانىم. سەپاراتيزمنەن قورىقساق، وندا ەركىن سايلاۋدان مۇلدەم باس تارتايىق؟ ءماجىلىس تە، پرەزيدەنت تە سايلانباسىن وندا. ءبىر ادامنىڭ ديكتاتۋراسى جالعاستىرا بەرسىن؟!

ەلىمىزدىڭ قۇدايعا شۇكىر 80% قۇرىپ وتىرمىز، ەگەر بيلىك سايلاناتىن بولسا، كەرىسىنشە حالىقتىڭ بيلىككە ىقپالى كۇشەيەدى، ناتيجەسىندە مەملەكەتتىڭ تۇتاستىعى دا كۇشەيەدى. ۋكرايناعا قاراڭدار، سايلانعان اكىمدەر سەپاراتيزمگە قارسى قولدارىنا قارۋ الىپ حالىقپەن بىرگە تۇر. ال بىزدە تاعايىندالعان اكىمدەر حالىقتان قاشىپ ءجۇر.

قورقاق بولمايىق، اعايىن! وزىمىزگە سەنىمدى بولاتىن كەز كەلدى. ەلىمىزدىڭ تۇتاستىعىن ۇستاۋعا كۇشىمىز جەتەرلىك. حالىق ءوز اكىمدەرىن سايلاۋ قاجەت، سوندا عانا اكىمدەر حالىقتى تىڭداي باستايدى. ول ەلىمىزدىڭ دامۋىنىڭ باستى شارتى دەپ بىلەم!

مۇحتار تايجان

Abai.kz