28 اقپاننان 9 ناۋرىزعا دەيىن ۋكراينادان پولشا ارقىلى ەۆاكۋاتسيالانعان وزبەك ازاماتتارىنىڭ سانى 5037-گە جەتتى. بۇل تۋرالى وزبەكستاننىڭ سىرتقى ىستەر مينيسترلىگىنىڭ ارنايى وكىلى يۋسۋف كابۋلجانوۆ مالىمدەدى.

ونىڭ سوزىنشە، 8-9 ناۋرىز كۇندەرى پولشانىڭ كاتوۆيتسە اۋەجايى ارقىلى تاعى 250 وزبەكستاندىق تاشكەنتكە جەتكىزىلدى. بۇدان بولەك وزبەكستاننىڭ ۋكرايناداعى ەلشىلىگى حالىقارالىق گۋمانيتارلىق ۇيىمداردىڭ كومەگىمەن سۋمى قالاسىنان 23 وزبەك ستۋدەنتى ەۆاكۋاتسيالاندى.

وزبەكستان ءسىم مالىمەتىنە قاراعاندا، بۇگىنگى كۇنى وزبەك ديپلوماتتارى ۋكراينادان قاشىپ شىققان وزبەكستاندىقتاردى ەلىنە جەتكىزۋ ءۇشىن مولدوۆادا دا ارەكەت جاساپ جاتىر.

Abai.kz