بۇل - نازارباەۆتىڭ قازاقستانداعى قاڭتار وقيعاسىنان كەيىنگى رەسمي حابارلانعان العاشقى شەتەلدىك ساپارى. قاڭتار قىرعىنىنان سوڭ نازارباەۆ جايلى اقپارات ازايىپ كەتكەن.
انتالياداعى ديپلوماتيالىق فورۋم 11 ناۋرىزدا باستالادى. ال لاۆروۆ پەن كۋلەبا كەزدەسۋى 10 ناۋرىزعا جوسپارلانعان. رەسەي ۋكرايناعا سوعىس اشقالى رەسەي مەن ۋكراينانىڭ رەسمي وكىلدەرى مۇنداي دەڭگەيدە العاش رەت كەزدەسپەك. بۇعان دەيىن ەكى ەلدىڭ ارنايى دەلەگاتسيالارى بەلارۋستە ءۇش رەت كەلىسسوز ءۇشىن كەزدەسكەن.
قاڭتاردىڭ باسىندا قازاقستاننىڭ بىرنەشە قالاسىندا سۇيىتىلعان گاز باعاسىنىڭ قىمباتتاۋىنا قارسى نارازىلىق باستالىپ، ونىڭ سوڭى قاندى قىرعىنعا ۇلاسقان ەدى. قاڭتار وقيعاسىنان رەسمي دەرەك بويىنشا 227 ادام قازا بولىپ، مىڭداعان ادام زارداپ شەكتى.
قاڭتار وقيعاسى كەزىندە قازاقستان پرەزيدەنتى قاسىم-جومارت توقاەۆ نازارباەۆ باسقارىپ كەلگەن قاۋىپسىزدىك كەڭەسىنىڭ توراعالىعىن ءوز قولىنا العان. 11 قاڭتاردا توقاەۆ ءماجىلىس وتىرىسىندا نازارباەۆ تۇسىندا ەلدە بەلگىلى ءبىر ادامدار توبى بايىدى دەپ سىناعان.
قاڭتار وقيعاسىنان سوڭ نازارباەۆتىڭ قىزدارى مەن جاقىن ادامدارى ەلدەگى ىقپالىنان ايىرىلا باستاعان. ماسەلەن، نازارباەۆتىڭ ۇلكەن قىزى داريعا نازارباەۆا ماجىلىستەگى دەپۋتاتتىق مانداتىن وتكىزىپ بەرگەن.
ساراپشىلار قاڭتارداعى قىرعىنعا توقاەۆ پەن نازارباەۆتىڭ ادامدارى اراسىنداعى ەليتارالىق قاقتىعىس دەگەن ەدى. 18 قاڭتاردا نازارباەۆ ۆيدەومالىمدەمە جاساپ، "توقاەۆپەن ارادا ەشقانداي كەلىسپەۋشىلىك جوعىن" ايتقان. نازارباەۆ قاڭتاردىڭ ورتاسىندا جاريالانعان وسى ۆيدەومالىمدەمەسىنەن كەيىن كورىنبەي كەتكەن ەدى.
Abai.kz
