زاحاروۆانىڭ سوزىنە قاراعاندا، سوعىستىڭ ماقساتى – "ۋكراينانىڭ دونباس ايماعىنداعى رەسەيشىل سەپاراتيستەردى قورعاۋ، دەميليتاريزاتسيا، دەناتسيفيكاتسيا جانە رەسەيگە تونگەن اسكەري قاۋىپتى جويۋ". ءسىم وكىلى رەسەي ۋكراينانى جاۋلاپ الۋدى نەمەسە ونىڭ مەملەكەتتىگىنە نۇقسان كەلتىرۋدى كوزدەمەيدى دەدى.
ءپۋتيننىڭ ءباسپاسوز حاتشىسى دميتري پەسكوۆ 7 ناۋرىزدا ماسكەۋ بەيبىت كەلىسسوز كەزىندە ۋكراينادان كونستيتۋتسياسىنا بەيتاراپتىقتى بەكىتۋدى، سەپاراتيستەردىڭ تاۋەلسىزدىگىن مويىنداۋدى جانە ماسكەۋ جاۋلاپ العان قىرىمنان باس تارتۋىن تالاپ ەتەدى دەپ ايتقان.
25 اقپاندا ۋكرايناداعى سوعىستىڭ ەكىنشى كۇنى پرەزيدەنت پۋتين ۋكراينا اسكەرىن توڭكەرىس جاساۋعا شاقىرىپ، كيەۆتەگى بيلىكتى قولعا الۋعا ۇندەگەن. ول سول كەزدە ۋكراينانىڭ زاڭدى بيلىگىن "ناشاقورلار مەن نەوناتسيستەر توبى" دەپ اتاعان.
ول كەزدە رەسەي ارمياسىنىڭ كيەۆ، ودەسسا مەن حاركوۆكە "شابۋىلى ءساتتى ءجۇرىپ جاتقانى" حابارلانعان. سودان بەرى رەسەي اسكەرى ءبىر ءىرى قالانى عانا (حەرسون) باسىپ الدى. حاركوۆ ماڭىنداعى ەلدى مەكەندەرگە جاسالعان شابۋىلعا تويتارىس بەرىلدى. رەسەي اسكەرى سولتۇستىكتەگى چەرنيگوۆ پەن سۋمى، وڭتۇستىكتە نيكولاەۆ پەن ءماريۋپولدى الا المادى.
Abai.kz
