رەسەي مەن ۋكراينا اراسىنداعى سوعىستىڭ ءجۇرىپ جاتقانىنا دا ەكى اپتادان استى. الگىندە استراحان ايماعىنىڭ تۋماسى ارمان قاسىمۇلى نارىمباەۆ دەگەن جىگىت سول سوعىستا قازا تاپتى.

بۇل جايىندا ايماق باسشىسى ءباسپاسوز حابارلاماسىندا ءسوز ەتتى. رەسەيدەگى قانداستارىمىز بۇل پۋتين بيلىگى كەزىندەگى ءبىرىنشى قازا ەمەس دەپ وتىر. ولار: «رەسەيدەگى اتا-بابا جەرىندە تۇرىپ جاتساق تا، 30 جىلدان بەرى تاۋەلسىز قازاق وكىمەتى بىردە-ءبىر رەت ءبىزدىڭ ۇلتتىق قۇقىعىمىزدى قورعاعان ەمەس»، - دەپ زار قاعادى.

قازاقتار شوعىرلانعان وڭىردەن اسكەرگە شاقىرىلىپ، ۋكراين اسكەريلەرىنىڭ قولىنا تۇتقىنعا تۇسكەن 19-20 جاستاعى قوس قازاقتىڭ الەۋمەتتىك جەلىدە بەينەبايانى دا جاريالاندى. سەلت ەكتكەن ەشكىم جوق.

نەگە ءبىز الماتى مەن نۇر-سۇلتانداعى رەسەي ەلشىلىگى الدىندا پيكەت جاساپ، رەسەيدەگى ءوز اتا-بابالارىنىڭ جەرىندە تۇرىپ جاتقان قازاقتاردىڭ بۇل سوعىسقا قاتىسپاۋىن تالاپ ەتپەيمىز؟.. تاياقياسىن باسقاشا وزگەرتكەن «امانات» ناعىز مەملەكەتشىلدىك رۋحتاعى پارتيا بولسا، وسى ماسەلەنى نەگە قولعا المايدى؟ نەگە رەسەيدەگى قانداستارىمىزدىڭ اماندىعىنا سۇراۋ سالمايدى؟

ەلىمىزدەگى وزگە ساياسي قوزعالىستار رەسەيدەگى قانداستارىمىزدىڭ زارىنا نەگە قۇلاق اسپايدى؟ سوندا ولار ەشكىمگە كەرەكسىز جاندار ما دەگەن ساۋال كوڭىلدى تىرمالايدى. ولار ارمياعا بارۋدان باس تارتىپ، تۇرە كوتەرىلسە، «وتانىنا وپاسىزدىق جاسادى» دەپ جازاعا تارتاتىندىعىن العا تارتىپ، قازاق ەلىنەن دارمەن كۇتىپ وتىر. ءبىز رەسەيدەگى قازاقتاردى نەگە ۇمىتتىق؟ ولاردى ادىلەتسىز سوعىستىڭ قۇربانى بولۋدان قورعاي الامىز با!؟

ءابىل-سەرىك الىاكبار

Abai.kz