قازاقستان سىرتقى ىستەر مينيسترلىگىنىڭ مالىمەتىنشە، وسى ۋاقىتقا دەيىن ۋكراينادان قازاقستاننىڭ 900 ازاماتى ەۆاكۋاتسيالاندى، سولاردىڭ 743-ءى ەلگە ورالدى.

ۋكراينا قالالارىندا تاعى قانشا قازاقستاندىق بارى بەلگىسىز. ازاتتىق ءتىلشىسى سويلەسكەن قازاق ازاماتتارىنىڭ بىرقاتارى ۋكراينادان ازىرگە كەتكىسى جوق ەكەنىن ايتتى.

قازاقستاندىق ديپلوماتتاردىڭ 16 ناۋرىزدا تاراتقان مالىمەتىنە قاراعاندا، ماريۋپول قالاسىندا 18 قازاقستاندىق قالعان. قازاقستاننىڭ ۋكرايناداعى ەلشىلىگى ولارمەن بايلانىس ورناتا الماعانىن مالىمدەدى، ويتكەنى بۇل قالادا جارىق، بايلانىس جەلىلەرى جوق.

ناۋرىز مەرەكەسى قارساڭىندا قازاقستان پرەزيدەنتى قاسىم-جومارت توقاەۆ قازاقستان ازاماتتارىن ۋكرايناداعان ەۆاكۋاتسيالاۋدى ۇيىمداستىرعان ديپلوماتتارعا مەملەكەتتىك سىيلىقتار تاپسىردى. ولاردىڭ اراسىندا قازاقستاننىڭ ۋكرايناداعى ەلشىسى دارحان قالەتاەۆ تا بار.

Abai.kz