الەۋمەتتىك جەلىدە  جامبىل وبلىسى قورداي اۋداندىق ءماسليحات دەپۋتاتى تاتيانا پودشيبياكينانىڭ قوس ازاماتتىعى بار ەكەنىن جايلى اقپارات تارادى.

«پرەزيدەنت قاسىم-جومارت توقاەۆ اقپاندا وتكەن ۇلتتىق قوعامدىق سەنىم كەڭەسىنىڭ وتىرسىندا قوس ازاماتتىعى بار ادامدارعا جازانى كۇشەيتۋدى تالاپ ەتتى. سونىمەن قاتار، مەملەكەت باسشىسى جولداۋدا قوس ازاماتتاعى بار مەملەكەتتىك مەكەمە باسشىلارى مەن مەملەكەتتىك قىزمەتكەرلەردى جۇمىستان شىعارۋدى دا قاتاڭ تاپسىردى.

مىسالى، شىمكەنت قالالىق سپورت باسقارماسىنىڭ باسشىسى ولەگ پوچيۆالوۆتىڭ قوس ازاماتتاعى بار ەكەنى انىقتالىپ، ول 25 اقپاندا قىزمەتتەن شەتتەتىلدى. وزگە شەنەۋنىكتەرگە قاتىسى قازىرشە مۇنداي مالىمەت انىقتالعان جوق.

قر باس پروكۋراتۋراسى مەن ىشكى ىستەر مينيسترلىگى قازاقستان ازاماتتىعىنان وزگە رەسەي ازاماتتىعى بار جامبىل وبلىسىنىڭ قورداي اۋداندىق ءماسليحات دەپۋتاتى تاتيانا پودشيبياكينانى نەگە تەكسەرمەيدى؟ ونىڭ دالەلى دە بار. الداعى رەفورمالاردا وكىلەتتىگى جوعارى ءماسليحاتتا مۇنداي دەپۋتاتتار بولماۋى كەرەك. قوس ازاماتتىعى بار مۇنداي ازاماتتارعا شىنايى تەكسەرۋ جۇرگىزۋىلۋ قاجەت!»، – دەپ جازادى ايدار بازارباەۆ ەسىمدى قولدانۋشى.

قازاقستاندا قوس ازاماتتىق فاكتىلەرى ءجيى تىركەلەدى. ماسەلەن، بىلتىر ءبىر عانا پاۆلودار وبلىسىندا قوس ازاماتتىعى بار 79 ادام انىقتالعان.

Abai.kz