توقاەۆقا قاستاندىق جاسالماق بولىپتى

بۇل وتە ناشار ستسەناري. قاسىم-جومارت مىرزا، ءسىزدى يدەولوگتارىڭىز مازاق قىلاتىن سياقتى؟! سەرۆانتەستىڭ "دون كيحوتىن" كوپ وقىعان ادام "جازسا" كەرەك؟! رەاليزمگە تۇسكەندەرىڭىز ابزال...
قاڭتار وقيعاسىنان كەيىن، قالت-قۇلت ەتىپ تۇرعان ابىرويىڭىزدى ودان بەتەر توگىپ جاتىر.

مىسالى سول ازاماتتان ەسىرتكى تابىلدى دەيدى. جانە ول قازاقستان ازاماتى. بىراق، شەت ەل اگەنتى دەگەن ايدار تاعىلعان. قاي ەل؟ نەگە ايتىلماعان؟ مىسالى، سىزگە جانە شەنەۋنىكتەرگە قاستاندىق جاساماق بولعانىن ءبىلىپ قويعان ء(وزى مويىنداعان بولۋى مۇمكىن) بارلاۋ قىزمەتى قاي ەل ەكەن قالاي بىلمەي قالادى؟ نەمەسە مويىنداتا الماي قالادى؟

ءسىز، قازىر پرەزيدەنتسىز. الەم مەن حالىق الدىنداعى "ديپلومات" دەگەن پسەۆدويررونيالىق وبرازدان شىققانىڭىز دۇرىس شىعار؟!

مىسالى قازىر، قاڭتار وقيعاسىنان كەيىن اۋعانستانعا نەمەسە سيرياعا جاپقان ءتيىمدى ەدى. سىرتقى ىستەر مەن ديپلوماتيا تۇرعىسىنان دا ول ەلدەردەن قاۋىپ از. ەكونوميكالىق بايلانىسىمىزدا كەرەمەت ەمەس. وعان قوسا ول ەلدەر حالىقارالىق قاتىناستاردا دا ءالسىز.

بىراق، سىزدەر دەتالدان قاتە جىبەرىپ الدىڭىزدار. ەسىرتكى تابىلدى دەپ. سەبەبى ءبىزدىڭ بارلاۋ قىزمەتى كەڭەس مەكتەبىنەن قالعان مەتوددى قولداندى. ناشاقور مەن كاپيتاليستتى جاۋ كورۋ. ءبىر ۇلكەن قىلمىستارعا ەسىرتكى مەن اقشانى دەتال ەسەبىندە قوسۋ. بۇل ەسكىردى.

سوسىن ستسەناريدى ونى ءدىني-راديكال ادام قىلىپ كورسەتىپ، رامازان ايى اياقتالعانىن كۇتىپ وتىرىپتى دەسە، ۋوت رەزونانستىڭ كوكەسى بولاتىن ەدى. جانە ول بۇگىنگى اقپاراتتىڭ شىنايىلىعىن 3-4ەسە ارتتىرار ەدى.

بايقاعان شىعارسىز؟! سوعىس بولىپ جاتسا دا، ۋكراين حالقى زەلەنسكيدى قالاي قورعاشتاپ جاتقانىن؟! ءبىزدىڭ حالىققا ءبارى ءبىر. ءتىپتى سونىڭ ۇستالىپ قالعانىنا وكىنىپ وتقاندار كوپ سياقتى؟! نەگە؟ سەنىم ءليميتىڭىز تاۋسىلىپ تۇر...

ەندى سىزگە حالىقتىڭ سەنىم ءليميتىن قايتارۋ جولدارىن ۇسىنامىن:
قازىر سىزگە قىرۋار قارجى جۇمساپ مەديالىق جۇرىستەردەن گورى، شىن ىسكە كوشۋ كەرەك.

مىسالى سول بارلاۋ توبى زامانبەك نۇرقادىلوۆتى كىم ولتىرگەنىن تاۋىپ جاتسا، حالىق موينىن بىردەن ءسىز جاققا بۇرادى.
التىنبەكتى كىم اتقانىن "تاۋىپ بەرسەڭىز", ءتىپتى كەزىندە كىنالى دەپ تانىلعان ازاماتتاردى الەمدىك سوت اقىلى الدىرىپ، ەلگە اكەلىپ سوتتاپ جاتساڭىز عاجاپ ەمەس پە؟!

ءتىپتى مەدياعا قىرۋار قارجى جۇمساماي-اق، اسحات ءشارىپجانوۆتىڭ ءولىمىنىڭ "قۇپياسى" اشىلسا جەتىپ جاتىر. سول كىسىنىڭ ديكتافونىن "تاۋىپ جاتساڭىزدار" قانداي عاجاپ، ءا؟!

جۋرناليستتەردىڭ سيمپاتياسى بىردەن ءسىز جاققا اۋىپ كەتەر ەدى. سول ءشارىپجانوۆتىڭ جولىن قۋعا بەل بۋىپ، ءبىراز جۋرناليست جەمقورلاردى اشكەرەلەرمەدى؟! سەبەبى، ءسىزدىڭ سونداي جۋرناليستتەردى "قورعايدى" دەگەن، قوعامدا، جۋرناليستەر اراسىندا بەيسانالىق كونتسەپتسيا قالىپتاسار ەدى. ءبىراز شەنەۋنىك پەن جەمقورلار دا، جۋرناليستتەردەن "تارتىنشاقتاپ" قالار ەدى...

قالعانىن كەيىن...
سىزدەردىڭ جۇرىسكە بايلانىستى جازارمىن...

سەرىك حاسەنوۆ

Abai.kz