ورىستار "بۋچادا قىرعىن جاساعان جوقپىز، ۋكرايندار اكتەرلىك ويىن قويۋدا، ءبىز ەشبىر بەيبىت تۇرعىنعا زيان تيگىزگەن جوقپىز" دەپ اقتالىپ، مۇنىڭ ءبارى "ۋكراينداردىڭ جالعان حابارى" دەگەندى ايتۋدا. ولاردىڭ ايتۋىنشا، ورىستار شىعىپ كەتكەن سوڭ بارىپ كوشەدە مايىتتەر پايدا بولعان-مىس!
بىراق تەحنيكا قاتەلەسپەيدى. ورىستار بۋچادان 31.03 جانە 01.04 شىققان. ۋكرايندار 01.04 بۋچاعا كىرە باستاعان.

Maxar سپۋتنيكتەن تۇسىرىلگەن سۋرەتتەردە 31 ناۋرىزدا عانا ەمەس، ءتىپتى 19 ناۋرىزدان بىلاي قاراي بۋچا كوشەلەرىندە ءولى دەنەلەر جاتقانى كورسەتىلگەن.
ورىستاردىڭ سوزىنە ەمەس، نە ىستەپ جۇرگەنىنە قاراۋ كەرەكتىگى، بۇل حالىق ەش شىمىرىكپەي وتىرىكتى سوعا بەرەتىنى تاعى دا دالەلدەندى.

ورىستار وسىعان دەيىن "ۋكرايندار دونەتسكە 8 جىل شابۋىل جاساپ، تالاي بالالاردى قىرىپ تاستادى" دەگەنى دە ەش دالەلى جوق شىلعي وتىرىك.
ءتىپتى ورىستار Malaysia Airlines Flight 17 جولاۋشىلار ۇشاعىن ۋكراين جەرىنە بۋك زىمىراندار كەشەنىن اكەپ، اتىپ تۇسىرگەنىن ناقتى ايعاقتارمەن باتىس قانشا دالەلدەسە دە، ەش ءمىز باقپاي، مۇلدە مويىنداماي قويعانى بەلگىلى. سول جولى ولار بەيبىت ۇشىپ بارا جاتقان 298 ادامدى تاسادان اتىپ جىبەرگەن ەدى.
تاياۋدا ماريۋپولدا مۇندا بالالار بار دەگەن بەلگىنى كورىپ تۇرىپ، ادەيى تەاتردى جارىپ جىبەرىپ، سوندا 300 شاقتى بەيبىت ادامنىڭ ولىمىنە سەبەپ بولعانى دا سونداي وتىرىكپەن جابۋلانعان: تەاتردا ۋكراينداردىڭ قاۋىپتى قارۋلارى بولعان-مىس.

بىزدە ورىستاردى اقتاپ، ۋكرايناعا تاس اتىپ جۇرگەندەر وسىنداي بۇلتارتپاس فاكتتەر الدىندا ءتىلىن تىستەيدى، ۇيالادى، ورىسقۇل بولۋدان شىمىرىگەدى دەپ ويلايمىن، ەگەر ادامي/قازاقى بىردەڭەسى قالعان بولسا.

حايدار الپى

Abai.kz