قازاقستاندا WhatsApp, Facebook جانە Telegram شەتەلدىك مەسسەندجەرلەرىن بۇعاتتاۋى مۇمكىن. بۇل تۋرالى قازتاگ حابارلادى.

«قازاقستان رەسپۋبليكاسى اقپارات جانە قوعامدىق دامۋ مينيسترلىگى تۋرالى ەرەجەدە (...):

14-تارماقتا: 1) تارماقشا مىناداي مازمۇنداعى توعىز، ون جانە ون ءبىرىنشى ابزاتستارمەن تولىقتىرىلسىن:" ونلاين - پلاتفورمانى نەمەسە جىلدام حابار الماسۋ سەرۆيسىن پايدالانۋشىلاردىڭ سانى تۋرالى مالىمەتتەردى تەكسەرۋ ماقساتىندا ونلاين-پلاتفورمادان نەمەسە جىلدام حابار الماسۋ سەرۆيسىنەن اقپاراتتى سۇراتۋ تاۋلىگىنە پايدالانۋشىلار سانى تۋرالى اقپاراتتى سۇراتۋ; ەگەر ونلاين-پلاتفورما نەمەسە جىلدام حابار الماسۋ سەرۆيسى ينتەرنەتتەگى اقپاراتتىق رەسۋرستى پايدالانۋشىلاردىڭ سانىن ايقىنداۋعا ارنالعان باعدارلامانى ورناتپاسا، پايدالانۋشىلار سانىن ءوز رەسۋرستارىمەن انىقتاۋعا; قازاقستان رەسپۋبليكاسىنىڭ زاڭناماسىنا سايكەس شەتەلدىك ونلاين-پلاتفورمانىڭ نەمەسە جىلدام حابار الماسۋ سەرۆيسىنىڭ قىزمەتىن قازاقستان رەسپۋبليكاسىنىڭ اۋماعىندا شەكتەۋگە قۇقىلى»، - دەلىنگەن ۇكىمەت قاۋلىسىنىڭ جوباسىندا.

وسى ەرەجەنىڭ 2) تارماقشاسى مىناداي مازمۇنداعى توعىز ابزاتسپەن تولىقتىرىلسىن: «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا), تەرروريزمدى قارجىلاندىرۋعا قارسى ءىس-قيمىل سالاسىنداعى ۋاكىلەتتى ورگانعا وسىنداي اقپاراتتى بەرە وتىرىپ، كوممەرتسيالىق ەمەس ۇيىمداردىڭ قىزمەتىنە تەرروريزمدى قارجىلاندىرۋ قاۋپىن انىقتاۋ ءۇشىن، تالداۋ جانە مونيتورينگ جۇرگىزۋ».

«كۇتىلەتىن ناتيجەلەردىڭ ناقتى ماقساتى مەن مەرزىمى» قازاقستان رەسپۋبليكاسىنىڭ كەيبىر زاڭنامالىق اكتىلەرىنە بالانىڭ قۇقىقتارىن قورعاۋ، ءبىلىم بەرۋ، اقپاراتتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سايكەس»، - دەلىنگەن قۇجاتقا تۇسىندىرمە جازبادا.

ساراپشىلاردىڭ پىكىرىنشە، بالالاردى قورعاۋ سىلتاۋىمەن الەۋمەتتىك جەلىلەردىڭ بۇعاتتالۋى قازاقستانعا جىلىنا $5 ملرد شىعىن اكەلۋى مۇمكىن.

Abai.kz