اقپارات اگەنتتىكتەرىنىڭ مالىمەتىنشە، ۇقك توراعاسىنىڭ بۇرىنعى ورىنباسارلارى ءانۋار سادىقۇلوۆ پەن داۋلەت ەرعوجين 6 جانە 8 مامىرعا دەيىن قاماۋدا وتىرادى.
قازاقستان ۇكىمەتىن ەكى مارتە باسقارعان 56 جاستاعى ءماسىموۆ "مەملەكەتتى ساتتى" دەگەن ايىپپەن قاماۋعا الىنعان. 6 قاڭتاردا ارنايى قىزمەت باسشىسى قىزمەتىنەن الىنعان ءماسىموۆتىڭ ۇستالعانىن بيلىك قاندى قاڭتار وقيعاسىنان ەكى كۇننەن سوڭ حابارلادى.
كارىم ءماسىموۆ ۇزاق جىلدار بويى بۇرىنعى پرەزيدەنتى نۇرسۇلتان نازارباەۆتىڭ سەنىمدى ادامداردىڭ ءبىرى بولدى. مالىمەتتەرگە قاراعاندا، ونىڭ ۇستىنەن قوزعالعان قىلمىستىق ىسكە "اسا قۇپيا" بەلگىسى قويىلعان. ءماسىموۆ ۇستالعاننان ءبىراز ۋاقىت وتكەن سوڭ وعان "بيلىكتى كۇشپەن باسىپ الۋعا تالپىندى", "قىزمەت بابىن اسىرا پايدالاندى" دەگەن ايىپتار قوسا تاعىلعانى ءمالىم بولدى. ماسىموۆپەن بىرگە ونىڭ ەكى ورىنباسارى دا ۇستالعان. بۇرىنعى پرەزيدەنت نۇرسۇلتان نازارباەۆتىڭ نەمەرە ءىنىسى، ۇقك توراعاسىنىڭ ءبىرىنشى ورىنباسارى قىزمەتىندە ۇزاق وتىرعان سامات ءابىش تە قىزمەتتەن الىندى.
وسى اپتادا كارىم ءماسىموۆتى قولداۋ ماقساتىندا ىسكە قوسىلعان ونلاين-رەسۋرستا بۇرىنعى شەنەۋنىكتىڭ دەنساۋلىعى ناشارلاعانى تۋرالى جازىلدى.
ناۋرىز ايىندا ۇقك ءماسىموۆتىڭ شەتەل وكىلىنەن قۇپيا ءبىر كەلىسىمگە قاتىستى ەكى ميلليون دوللار پارا العان دەگەن كۇدىككە قالعانىن حابارلادى.
ارنايى قىزمەت مەملەكەتتى ساتۋ، بيلىكتى كۇشپەن باسىپ الۋ، اسا ءىرى كولەمدە پارا الۋى ايىپتارى بويىنشا 15 ءىستى تەرگەپ جاتىر. ءماسىموۆ پەن ونىڭ بۇرىنعى ءۇش ورىنباسارى دا وسى ىستەر اياسىندا كۇدىكتى اتانعان.
Abai.kz
