«پاۆلودار وبلىسى پوليتسيا دەپارتامەنتنىڭ بۇرىنعى باسشىسى، گەنەرال نۇرلان ءماسىموۆ ۇستالدى»،- دەپ جازادى Kozachkov offside تەلەگرام ارناسى.

تەلاگرام ارنا نۇرلان ءماسىموۆ تۋرالى ەكى ءتۇرلى اقپارات بەرەدى. ءبىرىنشىسى، نۇرلان ءماسىموۆ قىرعىزستانمەن شەكاراداعى «قورداي» بەكەتىنەن جاياۋ ءوتىپ كەتپەك بولعان كەزدە ۇستالعان. وعان پاۆلودار وبلىسى پوليتسيا دەپارتامەنتىن باسقارىپ تۇرعاندا جاساعان جەمقورلىق قىلمىسى ءۇشىن ىزدەۋ جاريالانعان. ماسىموۆتى ارنايى بورتپەن پاۆلودارعا جەتكىزىپ، ءىستى انتيكور زەرتتەيتىنىن ايتادى.

ەكىنشى دەرەك بويىنشا - شەكارادان وتۋگە شەكتەۋ قويىلعان، سوندىقتان ءماسىموۆ شەكارادان وتە الماعان. ول قازاقستانعا قايتادان ورالعان. ازىرگە ونى ەشكىم ۇستاعان جوق.

ايتا كەتەيىك، نۇرلان ءماسىموۆ – كارىم ءماسىموۆتىڭ نەمەرە ءىنىسى. ك.ءماسىموۆ قر ۇلتتىق قاۋىپسىزدىك كوميتەتىن باسقارىپ تۇرعان كەزدە ن.ءماسىموۆ الماتى وبلىستىق پوليتسيا دەپارتامەنتىندە، ىىم-دە، جاۋاپتى قىزمەتتەر اقتاردى. سوڭعى لاۋازىمى – پاۆلودار وبلىسى پوليتسيا دەپارتامەنتىنىڭ باستىعى. اعاسى ك.ءماسىموۆ 6 قاڭتاردا تۇتقىندالدى، ال ن.ءماسىموۆ 17 قاڭتاردا قىزمەتىنەن كەتكەن ەدى.

Abai.kz