رەسەيلىك اتاقتى شاحماتشى ءارى وپپوزيتسيونەر گارري كاسپاروۆ ۋكراينالىق جۋرناليست دميتري گوردونعا بەرگەن سۇحباتىندا «ءپۋتيننىڭ ءولىمى» تۋرالى ءوز بولجامىن ايتىپتى.

شاحماتشىنىڭ سوزىنشە، ءپۋتيننىڭ اقىرى بەلگىلى بولا باستاعان. ونىڭ تۇبىنە ءوز توڭىرەگىندەگىلەر جەتەدى. پۋتين ءوز اجالىمەن ولمەيدى. ۋكراينادان جەڭىلىس تاپقان كۇنى-اق، ونى ءوز ادامدارى قۇربانعا شالىپ جىبەرەدى.

«ونىڭ تاعدىرى بەلگىلى. پۋتين ءۇشىن شەكسىز بيلىكتەن اسقان ءومىر جوق. بۇل بيلىك ونىڭ جەڭىلمەيتىنىنە ءارى جازالانبايتىنىنا كەپىل بەرگەن تاس قورعانى بولدى. ۋكرايناداعى سوعىس سول قورعاننىڭ بىت-شىتىن شىعارادى»، - دەدى كاسپاروۆ.

شاحماتشى ءپۋتيننىڭ ۋكرايناداعى جەڭىلىسى رەسەي مەملەكەتىنىڭ كۇيرەۋىنە اكەلەدى جانە وعان ديكتاتور عانا جاۋاپتى ەكەنىن ايتادى.

«قالاي بولاتىنىنىن بىلمەيمىن، ءوز ارالارىندا شەشە جاتىر. بىراق ءبىر نارسە انىق: ۋكراينا اۋەلى ءپۋتيندى ساياسي جاعىنان ولتىرەدى، سوسىن بارىپ دەنەسىن كومەدى»، -دەدى كاسپاروۆ.

ونىڭ ويىنشا، ۋكراينا بۇل سوعىستا جەڭىسكە جەتەدى. بۇل جەڭىس - تەك قانا اسكەري جەڭىس ەمەس. جاھاندىق دەڭگەيدە باعا بەرسەك، قاتىگەزدىكتىڭ جەڭىلىسى بولماق.

«بۇل جەڭىلىس - بۇگىنگى كۇنى پۋتين جاساپ وتىرعان زۇلىمدىقتىڭ بەلگىسىندەي بولىپ قالادى. ءدال قازىر ۋكراينا الەمدى XXI عاسىردىڭ «فاشيزم» اتتى ناۋبەتىنەن قۇتقارىپ وتىر. ۋكراينانىڭ جەڭىسى تاريحي ماڭىزى بار وقيعا بولماق»، -  دەيدى شاحماتشى.

Abai.kz