وتكەندە پرەزيدەنت توقاەۆ ۇزاق جىلدار بويى ۇكىمەتتە قىزمەت ەتكەن، بەس وبلىسقا باسشى بولعان، جاسى جەتپىسكە تاياعان بەردىبەك ماشبەكۇلى ساپارباەۆتى زەينەتكە جىبەرگەنىن بىلەسىزدەر.

وسىدان سوڭ ءبىز قازىرگى وبلىستار مەن ميلليوننان اساتىن حالقى بار ءىرى قالالارعا كىمدەر باسشىلىق جاساپ وتىرعانىن ءبىر شولىپ شىقتىق. ولاردىڭ سوڭعى 10 جىلدا قانداي قىزمەتتەر اتقاردى؟ قاراڭىز:

مارجىقپاەۆ ەرمەك بورانبايۇلى - اقمولا وبلىسىنىڭ اكiمi.

مارجىقپاەۆ ەرمەك بورانبايۇلى 1969 جىلى بۇرىنعى تسەلينوگراد قالاسىندا تۋعان. تولىق جاسى - 52-دە.

س.سەيفۋللين اتىنداعى اقمولا مەملەكەتتiك پەداگوگيكالىق ينستيتۋتىن (تاريح مۇعالiمi), «تۇران» ۋنيۆەرسيتەتiن (زاڭگەر), كوكشەتاۋ ۋنيۆەرسيتەتiن (قارجى باكالاۆرى) بiتiرگەن.

ەڭبەك جولىن 1991 جىلى استانا ق. № 29 وم دەنە شىنىقتىرۋ مۇعالiمi, بوكستان جاتتىقتىرۋشى بولىپ باستادى.

اتقارعان قىزمەتتەرى:

2012-2013 جىلدارى — اقمولا وبلىسى زەرەندi اۋدانىنىڭ اكiمi.

2013-2014 جىلدارى — اقمولا وبلىسى اكiمiنiڭ ورىنباسارى.

2014-2015 جىلدارى — قازاقستان رەسپۋبليكاسى پرەزيدەنتi اكiمشiلiگi مەملەكەتتiك باقىلاۋ جانە اۋماقتىق-ۇيىمداستىرۋ جۇمىسى ءبولiمiنiڭ مەملەكەتتiك ينسپەكتورى.

2015-2019 جىلدارى — اقمولا وبلىسى كوكشەتاۋ قالاسىنىڭ اكiمi.

2019 جىلعى ناۋرىزدا اقمولا وبلىسىنىڭ اكiمi بولىپ تاعايىندالدى.

ورازالين وڭداسىن سەيىلۇلى - اقتوبە وبلىسىنىڭ اكىمى.

ول 1963 جىلى 6 قاراشادا قازاق كسر-ءنىڭ اقتوبە قالاسىندا دۇنيەگە كەلگەن. تولىق جاسى - 58-دە.

1985 جىلى اقتوبە پەداگوگيكالىق ينستيتۋتىن اعىلشىن ءتىلى مۇعالىمى ماماندىعى بويىنشا ءبىتىردى. 1991 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا ءبىتىردى.

ەڭبەك جولىن اقتوبە پەداگوگيكالىق ينستيتۋتىندا وقىتۋشى بولىپ باستادى (1985-1988).

2019 جىلدىڭ 26 ​​اقپانىنان باستاپ قازاقستان رەسپۋبليكاسى پرەزيدەنتىنىڭ جارلىعىمەن  اقتوبە وبلىسىنىڭ اكىمى بولىپ تاعايىندالدى.

بوزىمباەۆ قانات الدابەرگەنۇلى - الماتى وبلىسىنىڭ اكىمى.

ول 1969 جىلى تۋعان. قازاق مەملەكەتتىك باسقارۋ اكادەمياسىن بىتىرگەن. ماماندىعى – ەكونوميست. تولىق جاسى - 53-تە.

ەڭبەك جولىن 1993 جىلى «ەدەم لتد» جشس ەكونوميسى بولىپ باستاعان. ءار جىلداردا الماتى قالاسى اكىمىنىڭ كومەكشىسى، قازاقستان رەسپۋبليكاسى ەكونوميكا جانە ساۋدا مينيسترلىگى وڭىرلىك ساياسات ءبولىمىنىڭ باستىعى، «مۇناي تاسىمالداۋ جونىندەگى «قازترانسويل» ۇلتتىق كومپانياسى» جاق جيىنتىق-قارجىلىق دەپارتامەنتىنىڭ باستىعى، اتالعان جابىق اكتسيونەرلىك قوعامنىڭ ەكونوميكالىق ماسەلەلەر جونىندەگى ۆيتسە-پرەزيدەنتى، قازاقستان رەسپۋبليكاسى  ەنەرگەتيكا، يندۋستريا جانە ساۋدا مينيسترلىگى مۇناي جانە گاز دەپارتامەنتىنىڭ ديرەكتورى، قازاقستان رەسپۋبليكاسىنىڭ ەنەرگەتيكا، يندۋستريا جانە ساۋدا ءمينيسترىنىڭ ورىنباسارى، «KEGOC» ااق ءبىرىنشى ۆيتسە-پرەزيدەنتى، پرەزيدەنتى، باسقارما توراعاسى، قازاقستان ەلەكتر ەنەرگەتيكالىق قاۋىمداستىعىنداعى ديرەكتورلار كەڭەسىنىڭ توراعاسى، «مەملەكەتتىك اكتيۆتەردى باسقارۋ جونىندەگى «سامۇرىق» حولدينگى» اق باسقارماسىنىڭ توراعاسى، جامبىل، پاۆلودار وبلىستارىنىڭ اكىمى، قازاقستان رەسپۋبليكاسى پرەزيدەنتىنىڭ كومەكشىسى بولدى.

2021 جىلدىڭ 24 قاراشاسىنان – الماتى وبلىسىنىڭ اكىمى بولىپ تاعايىندالدى.

دوساەۆ ەربولات اسقاربەكۇلى - الماتى قالاسىنىڭ اكىمى.

ول 1970 جىلعى 21 مامىردا الماتى قالاسىندا دۇنيەگە كەلگەن. 1987 جىلى – الماتى قالاسىنداعى و. جاۋتىكوۆ اتىنداعى رەسپۋبليكالىق فيزيكا-ماتەماتيكالىق مەكتەپ-ينتەرناتىن ءبىتىردى. الماتى ەنەرگەتيكالىق ينستيتۋتىن، باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن ءبىتىردى. تولىق جاسى - 51-دە.

مانساپ جولى:

2012 جىلعى 25 قىركۇيەكتەن  باستاپ – قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى.

2013 جىلعى 16 قاڭتاردان  باستاپ – قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ءمينيسترى.

2014 جىلعى 6 تامىزدا قازاقستان رەسپۋبليكاسى پرەزيدەنتىنىڭ جارلىعىمەن (№ 880) قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ تاعايىندالدى.

2016 جىلعى مامىردان باستاپ 2017 جىلعى تامىز ارالىعىندا – «بايتەرەك» ۇلتتىق باسقارۋشى حولدينگى» اكتسيونەرلىك قوعامىنىڭ باسقارما توراعاسى.

2017 جىلعى تامىزدان باستاپ 2019 جىلعى اقپان ارالىعىندا قازاقستان رەسپۋبليكاسى پرەمەر-ءمينيسترىنىڭ ورىنباسارى لاۋازىمىندا جۇمىس ىستەدى.

2019 جىلعى 25 اقپانىنان باستاپ 2022 جىلعى قاڭتار ارالىعىندا – قازاقستان رەسپۋبليكاسى ۇلتتىق بانكىنىڭ توراعاسى.

2022 جىلعى 31 قاڭتارىنان باستاپ پرەزيدەنت جارلىعىمەن الماتى قالاسىنىڭ اكىمى بولىپ تاعايىندالدى.

شاپكەنوۆ سەرىك جامبىلۇلى - اتىراۋ وبلىسىنىڭ اكىمى.

سەرىك جامبىلۇلى شاپكەنوۆ  1979 جىلى 29 شىلدەدە باتىس قازاقستان وبلىسى، قاراتوبە اۋدانىنىڭ قاراتوبە كەنتىندە دۇنيەگە كەلدى. م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ەكونوميكالىق كيبەرنەتيكا فاكۋلتەتىن بىتىرگەن (2000), ەكونوميست-ماتەماتيك. تولىق جاسى - 42-دە.

مانساپ جولى:

2014 جىلدان - قر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى.

2016 جىلدان - اتىراۋ قالاسىنىڭ اكىمى.

2018 جىلدان - اتىراۋ وبلىسى اكىمىنىڭ ورىنباسارى

2020 جىلدان – ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى.

2021— 2022 جىلدارى — ەڭبەك جانە حالىقتى الەۋمەتتىك قورعاۋ ءمينيسترى.

2022 جىلدىڭ 7 ساۋىردەن باستاپ اتىراۋ وبلىسىنىڭ اكىمى بولىپ تاعايىندالدى.

ەسقاليەۆ عالي ناجىمەدەنۇلى - باتىس قازاقستان وبلىسىنىڭ اكىمى.

ەسقاليەۆ عالي ناجىمەدەنۇلى 1970 جىلى باتىس قازاقستان وبلىسىندا دۇنيەگە كەلگەن. ءبىلىمى – جوعارى. 1993 جىلى باتىس قازاقستان اگرارلىق ۋنيۆەرسيتەتىن «ەكونوميكا»، 2009 جىلى حالىقارالىق بيزنەس اكادەمياسىن «مەنەدجمەنت» ماماندىقتارى بويىنشا بىتىرگەن. تولىق جاسى - 52-دە.

مانساپ جولى:

2019 جىلدىڭ 18 قاڭتارىنان باستاپ باتىس قازاقستان وبلىسى اكىمىنىڭ ءبىرىنشى ورىنباسارى.

2019 جىلدىڭ 13 ماۋسىمىنان باستاپ باتىس قازاقستان وبلىسىنىڭ اكىمى لاۋازىمىنا تاعايىندالدى.

نۇرجىگىتوۆ نۇرجان مولديارۇلى - جامبىل وبلىسى اكىمى.

نۇرجان نۇرجىگىتوۆ 1967 جىلى تۋعان، ءبىلىمى جوعارى. 1991 جىلى ەڭبەك قىزىل تۋ وردەندى لەنينگراد اۋىلشارۋاشىلىق ينستيتۋتىن «ينجەنەر-مەحانيك»، 2008 جىلى جامبىل گۋمانيتارلىق تەحنيكالىق ۋنيۆەرسيتەتىن «ەكونوميكا» ماماندىقتارى بويىنشا بىتىرگەن. تەحنيكا عىلىمدارىنىڭ كانديداتى، قازاق ۇلتتىق اگرارلىق ۋنيۆەرسيتەتىنىڭ قۇرمەتتى پروفەسسورى. تولىق جاسى - 55-تە.

ەڭبەك جولىن 1991 جىلى جۋالى اۋدانى ماكسيم گوركي اتىنداعى كولحوزىندا مەحانيك بولىپ باستاعان.

2021 جىلدىڭ ءساۋىر ايىنان باستاپ جامبىل وبلىسى اكىمىنىڭ ورىنباسارى بولدى. 2022 جىلى 7 ساۋىردە جامبىل وبلىسى اكىمى بولىپ تاعايىندالدى.

قاسىمبەك جەڭىس ماحمۋدۇلى - قاراعاندى وبلىسىنىڭ اكىمى.

جەڭىس ماحمۋدۇلى قاسىمبەك 1975 جىلى جامبىل وبلىسىندا دۇنيەگە كەلدى. قازاق مەملەكەتتىك ساۋلەت-قۇرىلىس اكادەمياسىن «ساۋلەتشى-ديزاينەر» ماماندىعى بويىنشا اياقتادى. 2001 جىلى ل. ن. گۋميليوۆ اتىنداعى ەۋرازيا مەملەكەتتىك ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا اياقتادى.

ەڭبەك جولىن 1997 جىلى قازاق مەملەكەتتىك ساۋلەت-قۇرىلىس اكادەمياسىندا تاعىلىمگەر-زەرتتەۋشى بولىپ باستاعان. 1998-2000 جىلدارى قر مونوپولياعا قارسى ساياسات جونىندەگى كوميتەتىنىڭ ءبولىمىن باسقاردى. قر ككم سۋ كولىگى دەپارتامەنتىنىڭ ديرەكتورى بولىپ جۇمىس ىستەگەن. 2004 جىلدان 2005 جىلعا دەيىن «اقتاۋ حالىقارالىق تەڭىز ساۋدا پورتى» رمك ديرەكتورى بولدى.

2005 جىلعى قاراشادا ونى كولىك جانە كوممۋنيكاتسيا ۆيتسە-ءمينيسترى ەتىپ تاعايىندادى. سودان كەيىن كولىك جانە كوممۋنيكاتسيا مينيسترلىگىنىڭ جاۋاپتى حاتشىسى بولدى. كەيىنىرەك كولىك جانە كوممۋنيكاتسيا ءمينيسترى قىزمەتىن اتقارعان.

بۇدان كەيىن ينۆەستيتسيالار جانە دامۋ ءمينيسترى، يندۋستريا جانە ينفراقۇرىلىمدىق دامۋ ءمينيسترى بولىپ جۇمىس ىستەدى.

2019 جىلعى 25 اقپاندا قر پرەمەر-ءمينيسترىنىڭ ورىنباسارى بولدى. 2019 جىلعى 19 قىركۇيەكتە قاراعاندى وبلىسىنىڭ اكىمى بولىپ تاعايىندالدى.

مۇحامبەتوۆ ارحيمەد بەگەجانۇلى - قوستاناي وبلىسىنىڭ اكىمى.

1972 جىلى تۋعان. سامارا مەملەكەتتىك تەحنيكالىق ۋنيۆەرسيتەتى مەن قازاق-ورىس حالىقارالىق ۋنيۆەرسيتەتىن بىتىرگەن. ماماندىعى بويىنشا – ينجەنەر-ەلەكتريك، قارجى باكالاۆرى.

ەڭبەك جولىن اقتوبە قالاسىنىڭ كوممەرتسيالىق قۇرىلىمدارىندا باستاعان. اقتوبە وبلىسىنىڭ سىرتقى-ەكونوميكالىق بايلانىس جانە ينۆەستيتسيالار باسقارماسىنىڭ باستىعى، «شاعىن كاسىپكەرلىكتى دامىتۋ قورى» اق وڭىرلىك ديرەكتورى، اقتوبە قالاسى اكىمىنىڭ ورىنباسارى، اقتوبە قالاسىنىڭ اكىمى قىزمەتتەرىن اتقاردى.

2011 جىلعى 22 شىلدەسىنەن باستاپ اقتوبە وبلىسىنىڭ اكىمى.

نالىباەۆ نۇرلىبەك ماشبەكۇلى - قىزىلوردا وبلىسىنىڭ اكىمى.

نۇرلىبەك نالىباەۆ 1976 جىلى قىزىلوردا وبلىسىندا تۋعان. قازاق مەملەكەتتىك اگرارلىق ۋنيۆەرسيتەتىن، قازاق گۋمانيتارلىق زاڭ ۋنيۆەرسيتەتىن بىتىرگەن. رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ 3 كۋرس دوكتورانتى.

ەڭبەك جولىن 1997–1998 جىلدارى ارالىعىندا «كازاحويل-كوممەرتسيا» جشس مۇناي جانە مۇناي ءوندىرىسى ساراپشىسى بولىپ باستاعان.

2008-2013 جج. – قىزىلوردا وبلىسى، شيەلى اۋدانىنىڭ اكىمى.

2013-2021 جج. – قىزىلوردا وبلىسى، قىزىلوردا قالاسىنىڭ اكىمى.

2021 جىلعى 1 ساۋىردەن باستاپ قازاقستان رەسپۋبليكاسى پرەمەر-ءمينيسترى كەڭسەسىنىڭ وڭىرلىك دامۋ ءبولىمىنىڭ مەڭگەرۋشىسى قىزمەتىن اتقارىپ كەلدى.

2022 جىلى 7 ساۋىردە قىزىلوردا وبلىسىنىڭ اكىمى بولىپ تاعايىندالدى.

نوعاەۆ نۇرلان اسقارۇلى - ماڭعىستاۋ وبلىسىنىڭ اكىمى.

نوعاەۆ نۇرلان اسقارۇلى 1967 جىلى 30 شىلدەدە اقتوبە وبلىسى، مۇعالجار اۋدانى، قاندىاعاش قالاسىندا دۇنيەگە كەلگەن. 1993 جىلى ي. گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن تاۋ-كەن ينجينەرى ماماندىعى بويىنشا ءبىتىردى. 1999 جىلى قازاق مەملەكەتتىك باسقارۋ اكادەمياسىن «حالىقارالىق ەكونوميكالىق قاتىناستار» ماماندىعى بويىنشا جانە 2006 جىلى رف ءسىم ماسكەۋ مەملەكەتتىك حالىقارالىق قاتىناستار ينستيتۋتىن (ۋنيۆەرسيتەت) ىسكەرلىك اكىمشىلىك ماگيسترىن ءبىتىردى.

ەڭبەك جولىن اقتوبە وبلىسى وكتيابرسك قالاسىنىڭ قاندىاعاش ستانتسياسىندا ەلەكترومونتەر بولىپ باستاعان.

2012 جىلدىڭ 20 قاڭتارىندا باتىس قازاقستان وبلىسىنىڭ اكىمى بولىپ تاعايىندالدى. 2016-2019 جىلدارى ارالىعىندا اتىراۋ وبلىسىنىڭ اكىمى. 2019 جىلعى 18 جەلتوقسان — 2021 جىلعى 7 قىركۇيەككە دەيىن ەنەرگەتيكا ءمينيسترى.

2021 جىلدىڭ 7 قىركۇيەگىنەن باستاپ قازاقستان رەسپۋبليكاسى پرەزيدەنتىنىڭ جارلىعىمەن ماڭعىستاۋ وبلىسىنىڭ اكىمى بولىپ تاعايىندالدى.

شوكەەۆ ومىرزاق ەستايۇلى - تۇركىستان وبلىسىنىڭ اكىمى.

ومىرزاق ەستايۇلى شوكەەۆ 1964 جىلدىڭ 12 جەلتوقسانىندا تۇركىستان وبلىسىندا تۋعان. 1986 ج. – ماسكەۋ ەكونوميكالىق-ستاتيستيكالىق ينستيتۋتىن بىتىرگەن، ەكونوميست-ماتەماتيك. 1988-1991 جج. – مەسي اسپيرانتى. ەكونوميكا عىلىمدارىنىڭ كانديداتى.

ەڭبەك جولى:

2011 جىلدىڭ 26 جەلتوقسانىنان – سامۇرىق-قازىنا ۇاق باسقارما توراعاسى;

2017 جىلدىڭ 12 جەلتوقسانىنان – 2019 جىلدىڭ 25 اقپانىنا دەيىن قر پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى;

2019 جىلدىڭ 26 اقپانىنان – تۇركىستان وبلىسىنىڭ اكىمى بولىپ قىزمەت ەتىپ جاتىر.

سقاقوۆ ابىلقايىر باقتىبايۇلى - پاۆلودار وبلىسىنىڭ اكىمى.

ابىلقايىر سقاقوۆ 1974 جىلى 9 شىلدەدە پاۆلودار وبلىسىنىڭ اقتوعاي اۋدانىندا دۇنيەگە كەلگەن. اقمولا قارجى-ەكونوميكالىق تەحنيكۋمىن «قارجى» ماماندىعى بويىنشا، شاكارىم اتىنداعى سەمەي مەملەكەتتىك ۋنيۆەرسيتەتىن «ەكونوميكا جانە قارجى» ماماندىعى بويىنشا، قازاق قۇقىقتانۋ جانە حالىقارالىق قاتىناستار ينستيتۋتىن «قۇقىقتانۋ» ماماندىعى بويىنشا جانە م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن «ىسكەرلىك اكىمشىلەندىرۋ ماگيسترى» ماماندىعى بويىنشا تامامداعان.

2010 جىلدىڭ قازان ايىنان 2012 جىلدىڭ مامىر ايىنا دەيىن قوستاناي وبلىسى بويىنشا سالىق دەپارتامەنتىن باسقاردى، 2012-2014 جىلدارى قارجى مينيسترلىگىنىڭ سالىق كوميتەتى توراعاسىنىڭ ورىنباسارى، قارجى مينيسترلىگىنىڭ مەملەكەتتىك كىرىستەر كوميتەتىنىڭ دامىتۋ جانە جاڭعىرتۋ دەپارتامەنتىنىڭ ديرەكتورى بولىپ جۇمىس ىستەدى.

2014 جىلعى قاراشادان 2016 جىلعى جەلتوقسانعا دەيىن استانا قالاسى بويىنشا مەملەكەتتىك كىرىستەر دەپارتامەنتىنە باسشىلىق ەتتى، 2016 جىلعى جەلتوقساننان 2019 جىلعى ساۋىرگە دەيىن قورعانىس ءمينيسترىنىڭ ورىنباسارى لاۋازىمىندا قىزمەت ەتتى.

2019 جىلعى ساۋىردەن باستاپ قازىرگى ۋاقىتقا دەيىن قارجى مينيسترلىگى قارجى مونيتورينگى كوميتەتىنىڭ توراعاسى قىزمەتىن اتقاردى.

2020 جىلى 21 قاڭتاردا پاۆلودار وبلىسىنىڭ اكىمى بولىپ سايلاندى.

اقساقالوۆ قۇمار ىرگەبايۇلى - ءسولتۇستiك قازاقستان وبلىسىنىڭ اكiمi.

قۇمار Iرگەبايۇلى اقساقالوۆ 1965 جىلى تۋعان. 1987 جىلى ۆ.پ.گورياچكين اتىنداعى ماسكەۋ اۋىل شارۋاشىلىعى ءوندiرiسiنiڭ ينجەنەرلەرi ينستيتۋتىن ينجەنەر-مەحانيك ماماندىعى بويىنشا تامامداعان. ەكونوميكا عىلىمدارىنىڭ كانديداتى.

مانساپ جولى:

2010-2015 ج.ج. — «نۇر وتان» حالىقتىق دەموكراتيالىق پارتياسى ورتالىق اپپاراتىنىڭ باسشىسى، «نۇر وتان» پارتياسىنىڭ حاتشىسى;

2015-2017 ج.ج. — قازاقستان رەسپۋبليكاسى پرەزيدەنتi اكiمشiلiگi باسشىسىنىڭ ورىنباسارى;

2017 جىلعى 14 ناۋرىزدان باستاپ قازىرگى ۋاقىتقا دەيىن سولتۇستىك قازاقستان وبلىسىنىڭ اكىمى بولىپ ىستەيدى.

احمەتوۆ دانيال كەنجەتايۇلى - شىعىس قازاقستان وبلىسى اكىمى.

ول 1954 جىلى 15 ماۋسىمدا پاۆلودار قالاسىندا دۇنيەگە كەلگەن. 1976 جىلى پاۆلودار يندۋستريالدى ينستيتۋتىن بىتىرگەن. ماماندىعى بويىنشا ينجەنەر-قۇرىلىسشى. ەكونوميكا عىلىمىنىڭ دوكتورى، قازاقستان رەسپۋبليكاسى مينەرالدى رەسۋرستار اكادەمياسىنىڭ اكادەميگى.

مانساپ جولى:

2010 جىلدان – ەكولوگيالىق ەنەرگەتيكا سالاسىنداعى كومپانيالىڭ باسشىسى;

2012-2014 جج. – ەنەرگەتيكا جانە ينفراقۇرىلىم ءمينيسترى;

2014 جىلعى 11 قاراشادا شىعىس قازاقستان وبلىسىنىڭ اكىمى بولىپ تاعايىندالدى.

كولگىنوۆ التاي سەيدىرۇلى - نۇر-سۇلتان قالاسىنىڭ اكىمى.

ول 1978 جىلى دۇنيەگە كەلگەن. التاي كولگىنوۆ ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىن، قر پرەزيدەنتى جانىنداعى مەملەكەتتىك باسقارۋ اكادەمياسىن، «بولاشاق» باعدارلاماسى بويىنشا ۇلىبريتانيانىڭ ابەردين ۋنيۆەرسيتەتىن بىتىرگەن. مەملەكەتتىك جانە جەرگىلىكتى باسقارۋ ماگيسترى، حالىقارالىق كوممەرتسيالىق قۇقىق ماگيسترى.

مانساپ جولى:

2010-2012 جىلدارى - قر پرەزيدەنتى اكىمشىلىگىنىڭ ايماقتىق-ۇيىمداستىرۋ جانە مەملەكەتتىك باقىلاۋ جۇمىستارى ءبولىمىنىڭ مەملەكەتتىك ينسپەكتورى قىزمەتىن اتقاردى.

2012-2013 جىلدارى - باتىس قازاقستان وبلىسى اكىمىنىڭ ورىنباسارى;

2013-2016 جىلدارى - ورال قالاسىنىڭ اكىمى قىزمەتىندە بولدى.

2016-2019 جىلدارى - باتىس قازاقستان وبلىسىنىڭ اكىمى بولدى.

2019 جىلعى 13 ماۋسىمنان باستاپ - نۇر-سۇلتان قالاسىنىڭ اكىمى بولىپ قىزمەت ىستەيدى.

ايتەنوۆ مۇرات دۇيسەنبەكۇلى - شىمكەنت قالاسىنىڭ اكىمى.

مۇرات دۇيسەنبەكۇلى 1981 جىلى دۇنيەگە كەلگەن. ول س.م. شتەمەنكو اتىنداعى كراسنودار اسكەري ينستيتۋتىن، قازتۇتىنۋوداعى قاراعاندى ەكونوميكالىق ۋنيۆەرسيتەتىن جانە م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن بىتىرگەن. ماماندىعى ينجەنەر، زاڭگەر.

ەڭبەك جولىندا قازاقستان رەسپۋبليكاسىنىڭ قورعانىس مينيسترلىگىندە، قر پرەزيدەنتى ءىس باسقارماسىنىڭ رەسمي ءىس-شارالار جانە سىرتقى بايلانىستار ءبولىمىنىڭ مەڭگەرۋشىسى، اپپارات باسشىسى، قر پرەزيدەنتى ءىس باسقارۋشىسىنىڭ ورىنباسارى جانە شىمكەنت قالاسى اكىمىنىڭ ءبىرىنشى ورىنباسارى قىزمەتتەرىن اتقارعان.

2020 جىلدىڭ 21 قاڭتارىنان باستاپ - شىمكەنت قالاسىنىڭ اكىمى بولىپ سايلاندى.

دايىنداعان ايجان تەمىرحان

Abai.kz