نازارباەۆتىڭ مارتەبەسىن اتا-زاڭدا بەكىتۋ كەرەك دەگەن كونستيتۋتسياعا وزگەرىستەر ەنگىزۋ جونىندەگى جۇمىس توبىنا ايتارىم.

تاۋەلسىز قازاقستاننىڭ نەگىزىن قالاعان كىم ەكەنىن ايتايىن با سەندەرگە؟

ونىڭ نەگىزىن 86-نىڭ قاقاعان ايازىندا نامىستى قولدان بەرمەيمىز دەپ الاڭعا شىققان ازاماتتار، شەيىت بولعان بوزداقتار، 90 جىلدارى ەلدى جاپپاي جۇمىسسىزدىق جايلاعاندا قىتايدان كوك دوربا ارقالاپ ۇيلەرىن اسىراعان اپالار مەن جەڭگەيلەر، سول كەزدە باتىسىمىز پەن شىعىستا ەشىرگەن كازاكتارعا تويتارىس بەرىپ اۋزىن جاپتىرعان ەرلەر، اقسايدا قۇتىرعان تۇرىكتەردى ورنىنا قويعان باتىرلار، ۋنيتارلىق مەملەكەتتە اۆتونوميا تالاپ ەتكەن وزگە ۇلتتاردى تىنىشتاندىرعان قازاقتار، جاڭا-وزەندە قۇربان بولعان ارىستار، نازارباەۆتىڭ الدىندا يىلگەنشە تۇرمەدە شىرىگەنىم ارتىق دەپ قاسقايىپ تۇرعان اروندار، ەلدىڭ ەلدىگى سوگىلمەس ءۇشىن 30 جىل بويى بارىنە ءتوزىپ، تاۋەلسىزدىك ءۇشىن نەگە بولسا دا شىدايمىز دەگەن قازاقتار، جەردىڭ قازىناسىنان قاعىلسا دا، ەلدىك قاسيەتىنەن ايرىلماعان قازاق حالقى.

نازارباەۆ ەمەس، مىنە، وسىلار تاۋەلسىز قازاقستاننىڭ نەگىزىن قالاعان. مۇلدەم ناقۇرىس بولماساڭدار، تىم قۇرىعاندا سولاردان ۇيالمايسىڭدار ما.

مۇحتار تۇمەنبايدىڭ جازباسى

Abai.kz