قازاقستاندا رەفەرەندۋم وتەدى
قحا وتىرىسىندا پرەزيدەنت قاسىم-جومارت توقاەۆ كونستيتۋتسياعا وزگەرتۋلەر مەن تولىقتىرۋلار ەنگىزۋ جونىندە رەفەرەندۋم وتكىزۋدى ۇسىندى.
"وسى رەفورمالار قولعا الىنعان كەزدە كونستيتۋتسياعا ەنگىزىلەتىن وزگەرىستەر مەن تولىقتىرۋلاردىڭ جوباسىن پارلامەنت قارايدى دەپ ويلاعان ەدىك. بۇل – قولدانىستاعى زاڭنامادا ورنىققان ءراسىمنىڭ ءبىرى. الايدا، الداعى اۋقىمدى ءارى ماڭىزدى وزگەرىستەر ەل بولاشاعىنا ايرىقشا اسەر ەتەدى. سوندىقتان، مەن اتا زاڭعا وزگەرىستەر مەن تولىقتىرۋلار ەنگىزۋ جونىندە رەسپۋبليكالىق رەفەرەندۋم وتكىزۋدى ۇسىنامىن", - دەدى توقاەۆ.
قازاقستاندا جالپىحالىقتىق رەفەرەندۋم ەكى رەت وتكىزىلدى. ەكەۋى دە 1995 جىلى. ساۋىردە حالىق پرەزيدەنت نۇرسۇلتان نازارباەۆتىڭ وكىلەتتىگىن ۇزارتتى، ال تامىزدا جاڭا كونستيتۋتسيانى قولدادى.
Abai.kz
