اتا-انامىز بىزبەن كارىسشە سويلەسپەگەندىكتەن انا ءتىلىن بىلمەي وسكەنبىز. اتا-انامىزعا نەگە بىزبەن كارىسشە سويلەسىپ جۇرگەن جوقسىزدار دەسەك، ءوزىمىز جاقسى بىلمەيمىز دەپ جاۋاپ بەرەدى.

اتالارامىزدان نەگە بالالارىڭىزبەن انا تىلدەرىڭىزدە سويلەسپەگەنسىزدەر دەپ سۇراپ كورسەك، ولارمەن كارىسشە سويلەسكەنبىز، ولار تۇسىنەدى، بىراق سول تىلدە سويلەگى كەلمەيدى دەپ ءبىزدى، نەگىزى، تاڭعالدىرا دا المايدى. سول سەبەپتى ۋاقىت وتە كەلە جەرگىلىكتى كارىسشەمىزدەن ايىرىلىپ قالدىق. ەندى كورەي ءتىلىنىڭ سول نۇسقاسىن جانداندىرۋعا دا تىرىسساق، ول ءتىرى تىلگە اينالمايدى. مۇمكىندىگىمىز بولسا نەمەسە قاجەتتىلىگىمىز بولسا، ەندى تەك وڭتۇستىك كورەياداعىلار سويلەيتىن ديالەكتتىڭ بىرىندە سويلەۋدى ۇيرەنۋگە بولادى، ياعني كوبىنەسە سەۋل ديالەكتىن تاڭداپ ۇيرەنەمىز.

كەي قازاقتار دا ءوز جەرىندە ءومىر سۇرسە دە انا ءتىلىن بىلمەيدى ەكەن. تۇسىنەمىز. اتا-انالارى جۇمىستا نەمەسە ولاردىڭ قازاقشاسىنىڭ ءوزى دە ونشا ەمەس. بالالارىمەن، جالپى ايتقاندا، ادام تىلىندە كوپ سويلەسپەيدى. بالالارىنىڭ قولدارىنداعى گادجەتتىڭ ءتىلى تەك ورىسشا ەكەن. ءالى كۇنگە دەيىن دە ەلىمىزدە ورىستانۋ وتە وڭاي ەكەن! قازاقتانۋ قيىن، ءوزىم بىلەمىن، ءوزىم ءوزىمدى قازاقتىلدى ورتا ارقىلى ەمەس، تەك قازاقشا كىتاپ پەن قازاقتىلدى ينتەرنەت ارقىلى عانا لينگۆيستيكالىق تۇرعىدان قازاقتاندىردىم!

ۆلاديسلاۆ تەننىڭ جازباسى

Abai.kz