ءتۇرى قازاق، ءتىلى ورىستى كورسەم اينالىپ وتەمىن...
مەنىڭ تۇركيادا تۇرىپ جاتقانىما 4 ايعا جۋىقتادى. بۇگىن بوسفور بۇعازىنا يۋتۋب كانالىم ءۇشىن ۆيدەو تۇسىرۋگە كەمەمەن تۋرعا شىقتىم. قازىر تۇركياعا ساياحاتتاۋشىلار كوبەيگەن ۋاقىت. الەمنىڭ تۇكپىرىنەن ىستامبۇلدىڭ كوز تويمايتىن اسەمدىگى مەن تاريحي جەرلەرىن تاماشالاۋ ءۇشىن اعىلىپ جاتىر. ونىڭ ىشىندە ءبىزدىڭ قازەكەڭدەر دە بار، ارينە. مەن مىنگەن تۋر كەمەسىنەن كوپ جاتتىڭ ىشىنەن بىرنەشە وتانداسىمدى بايقادىم. بايقادىمدا باسىمدى شايقادىم. نەگە دەيسىز بە؟! وندا ايتايىن!

كەمەنىڭ ءار بۇرىشىنان بۇعازدى ۆيدەوعا ءتۇسىرىپ ءجۇرىپ، ءبىر بىرلەرىمەن ورىسشا سويلەسكەندەرىن ەستىدىم. العاشىندا سالەم بەرىپ، "قوش كەلدىڭىز" دەگىم كەلگەن. شەت جاقتا جۇرگەندە قازاق كورسەڭ جاقىنىڭداي بولىپ تۇرادى عوي. سويلەسكىڭ كەلەدى. مىنا ارەكەتتەرىنەن كەيىن رايىمنان قايتتىم. جاس جۇپ بولسا كەرەك، ەلەكتروندى سيگارالارىن تەرەڭ تارتىپ، ءبىر بىرىنە "كراسيۆايا، دا" دەپ تەڭىزگە ءبىر، بۇعازعا ءبىر قاراپ، تاڭدانىپ تۇر.

اينالايىن، قازاقتارىم. ەڭ بولماسا شەت ەلگە شىققاندا ءوز ارالارىڭدا قازاقشا سويلەڭدەرشى. مەن دە بىلەمىن 6 ءتىل. بىراق قىتايشا، تۇرىكشە نەمەسە اعىلشىنشا سويلەپ، ءوز انا ءتىلىمدى ۇمىتىپ كەتكەنىم جوق قوي. وزدەرىڭدى ءيىسى قازاقتار اينالىپ ءوتىپ كەتۋگە ماجبۇرلەمەڭدەر. ءتىپتى، وسىنداعى جەرگىلىكتى قانداس باۋىرلارىمىزدان ۇيات ەكەن.

فەيسبۋكتا، سىرتتاي جانە جاقىن تانىس، جۇرەكتەرى قازاق دەپ سوعاتىن بىرنەشە ازاماتتى بەلگىلەپ ءوتتىم. ايىپقا بۇيىرمايسىزدار. ەل ءبىلىپ ءجۇرسىن دەيمىن.

ەربولات مامىرايحان

Abai.kz