پاۆلودارداعى «گاراج» كافەسى قازاقتاردى كەۋدەدەن قاعىپ، تەك ەتنيكالىق ورىستارعا عانا قىزمەت كورسەتەتىندىگى توڭىرەگىندە شۋ شىقتى. وعان سەبەپ دەم الۋ ءۇشىن بارعان قازاقتاردى Face-control-دان وتكىزبەي، تەك ورەكەڭدەر عانا ىشكە جىبەرىلىپ وتىرعان.

بۇل جايىندا politic.kz مەديا باسىلىمى ەرلان بۋكەنوۆ، اسەم اديلوۆا جانە ​دانيار نۋرتازينوۆ​ سىندى ناسىلشىلدىك قىسىم كورگەن قانداستارىمىزدىڭ ءسوزىن نەگىزگە الا وتىرىپ ءوز پكىرىن بىلدىرەدى.

وسى كافەنىڭ جەكە بلوگىندا «...قانداي تاماشا قازاقتارسىز، تاپ ءبىر ەسكى پاۆلودارداعىداي كۇي كەشۋدەمىز...»، - دەگەن شوۆينيستىك رۋحتاعى جازبالاردان كوز سۇرەنەدى. الەمجەلىدەگى ايقاي-شۋدان كەيىن كافە قوجاسى وزىنشە كەشىرىم سۇراعان بولدى. بىراق بۇل ءبىزدىڭ ورىس ءتىلدى قانداستارىمىزدىڭ ەتنيكالىق سلاۆياندار ءۇشىن قاشاندا تەك قانا «ازيات» بولىپ قالا بەرەتىندىگىن ۇقتىرسا بەك جاقسى بولار ەدى.

سوندا ۇلتارازدىعىن قوزدىردى دەگەن جالامەن تەك قازاقتار عانا سوتتالىپ، دۇنيەنى دۇرلىكتىرگەن باسقا ۇلت وكىلدەرى كەشىرىم سۇراپ قۇتالا بەرە مە؟! ەلىمىزدىڭ سوتى مەن پروكۋراتۋراسى قازاقتىڭ ۇلتتىق مۇددەسىن ەشكىمگە جالتاقتاماي قورعايتىن كەز تۋدى.

ءابىل-سەرىك الىاكبار

Abai.kz