سەنبى, 5 ءساۋىر 2025
2263 0 پىكىر 19 مامىر, 2022 ساعات 14:22

سارا نازارباەۆا كوميسسيادان شىعارىلدى

قازاقستان پرەزيدەنتى قاسىم-جومارت توقاەۆ ايەلدەر ىستەرى جانە وتباسى-دەموگرافيا ساياساتى جونىندەگى كوميسسيا قۇرامىن وزگەرتتى. قاۋلى اقوردا سايتىندا جاريالاندى.

كوميسسيادان شىعىپ قالعاندار اراسىندا قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ ايەلى سارا نازارباەۆا دا بار.

بۇعان قوسا، قازاقستان ادام قۇقىقتارى جونىندەگى ۋاكىل ەلۆيرا ءازىموۆا، "قازپوشتا" ديرەكتورى ايدا ابيبۋللاەۆا، سكريپكاشى ايمان مۇساقوجاەۆا، "وتباسى بانكى" باسقارما ءتورايىمى ءلاززات يبراگيموۆا جانە باسقالارى كوميسسياداعى جۇمىسىن توقتاتتى.

پرەزيدەنت ولاردىڭ ورنىنا كوميسسيانىڭ جاڭا مۇشەلەرىن ۇسىندى. كوميسسيا ءتورايىمى قىزمەتىنە پرەزيدەنت اكىمشىلىگى جەتەكشىسىنىڭ ورىنباسارى ايدا بالاەۆانى تاعايىندادى. بۇنىڭ الدىندا كوميسسيانى باسقارعان ءلاززات رامازانوۆا ورىنباسار قىزمەتىنە ءتۇستى.

81 جاستاعى سارا نازارباەۆا سوڭعى جىلدارىنا كوپشىلىك الدىنا كوپ شىقپايدى. "بوبەك" قايىرىمدىلىق قورىنىڭ نەگىزىن قالاۋشى كۇيەۋى نۇرسۇلتان نازارباەۆپەن بىرگە رەسمي شارالارعا، شەتەلگە ساپارلارعا بارمادى. ەلدە بۇل ەكەۋى بىرگە تۇرمايدى، نازارباەۆتىڭ جاڭا وتباسى بار دەگەن سىبىس تاراعانىنا كوپ بولدى. OCCRP ۇيىمىنىڭ جۋرناليستىك زەرتتەۋىندە 40 جاستاعى اسەل قۇرمانباەۆا ەكس-پرەزيدەنتتىڭ "رەسمي ەمەس ايەلى" ەكەنى ايتىلعان.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1521
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4248
46 - ءسوز

بىزگە بەيمالىم باراق حان

جامبىل ارتىقباەۆ 3148