ەلىمىزگە تانىمال ازىلكەش، شوۋمەن تۇرسىنبەك قاباتوۆ «ابىروي» اتتى ساياسي پارتيا قۇرماق.  پارتيا باعدارلاماسىنا وزگە دە مىندەتتەرمەن قاتار بىرلىكتىڭ بىرەگەي قازاقستاندىق مودەلىن ساقتاپ قالۋ جانە ارتتىرۋ، ەلىمىزدە ءومىر سۇرەتىن بارلىق حالىقتاردىڭ اراسىنداعى بەرىك دوستىقتى كۇشەيتۋ كىرەدى.

قاباتوۆ ساياسي پارتيا قۇرۋ ارقىلى ەلىمىزدىڭ بارلىق ازاماتتارىنىڭ باسىن بىرىكتىرگىسى كەلەدى.

اكتەر 2019 جىلى بۇرىنعى «نۇر وتان» پارتياسىنىڭ قۇرامىنا قابىلدانعان. پارتيا قۇرامىنا قابىلداۋدىڭ سالتاناتتى شاراسىندا بۇرىنعى «نۇر وتان» توراعاسىنىڭ ورىنباسارى بولعان باۋىرجان بايبەك قاباتوۆ تۋرالى جۇرەك تەبىرەنتەر وقيعاسىمەن بولىسكەن ەدى.

«مەن الماتىدان نۇر-سۇلتانعا بەت العان ۇشاقتا ەدىم، قاسىمدا تۇرسىنبەك قاباتوۆ وتىردى. ءبىر جارىم ساعات بويى مەن وعان پارتيا تۋرالى، ەلباسى مەن مەملەكەت باسشىسىنىڭ باستامالارى مەن پارتيانى قايتا جانداندىرۋ اياسىندا اتقارىلىپ جاتقان جۇمىس بارىسى تۋرالى اڭگىمەلەدىم. ءبىز ۇشاقتان تۇسكەن كەزدە ول وسىناۋ اتقارىلىپ جاتقان جۇمىستارعا ءوزىنىڭ دە اتسالىسقىسى كەلەتىنىن ايتتى» – دەدى بايبەك.

Abai.kz