اتالعان مەكەمە قىزمەتكەرلەرى 30 مامىردا اتامباەۆتىڭ كوي-تاشتاعى ۇيىنە بارعان. ولارمەن بىرگە ەكس-پرەزيدەنتتىڭ ەكى ادۆوكاتى سەرگەي سلەسارەۆ پەن زامير جووشەۆ تا بارعان. الەۋمەتتىك جەلىدە تاراعان ۆيدەوعا قاراعاندا ادۆوكاتتار مەن مەملەكەتتىك قىزمەتكەرلەردىڭ اراسىندا كيكىلجىڭ تۋىنداعانىن كورۋگە بولادى.
اتامباەۆتىڭ وكىلدەرى زاتتارىن جيناۋعا ءۇش كۇن مۇرسات سۇراعان. ولار اتامباەۆتىڭ وتباسى ءۇيدىڭ مەملەكەتكە وتكەنىنەن حابارسىز ەكەنىن ايتقان.
"بۇرىنعى پرەزيدەنت پەن ونىڭ وتباسى جەكە مۇلىگىنىڭ مەملەكەتكە وتكەنىنەن حابارسىز. ولارعا ەسكەرتۋ بەرۋى كەرەك ەدى", - دەيدى ادۆوكات سلەسارەۆ.
2020 جىلدىڭ ماۋسىم ايىندا بىشكەكتىڭ ءبىرىنشى ماي اۋداندىق سوتى المازبەك اتامباەۆتى قىلمىس الەمىنىڭ بەلسەندىسى ازيز باتۋكاەۆتى زاڭسىز بوساتتى دەگەن ايىپپەن 11 جىل ەكى ايعا سوتتاعان.
2020 جىلدىڭ قازان ايىنداعى توڭكەرىستەن كەيىن ەكس-پرەزيدەنتتىڭ قورعاۋشىلارى سوت پروتسەسى كەزىندە زاڭ بۇزۋشىلىقتار ورىن الدى دەپ، جوعارعى سوتتان بارلىق ۇكىمنىڭ كۇشىن جويۋعا قول جەتكىزگەن.
الايدا 2021 جىلدىڭ كۇزىندە باس پروكۋراتۋرا 2020 جىلعى جوعارعى سوتتىڭ شەشىمىن قايتارىپ الۋ جونىندە شاعىمدانعان. جوعارعى سوت ءىستى قايتا قاراۋ جونىندە شەشىم شىعارىپ، كەيىن ەكس-پرەزيدەنتكە قاتىستى ءبىرىنشى ينستانتسيا ۇكىمىن كۇشىندە قالدىردى.
Abai.kz
