قۇراما شتاتتار تاياۋ كۇندەرى ۋكرايناعا تاعى ءبىر ملرد دوللاردىڭ اسكەري كومەگىن كورسەتەتىنىن جاريالايدى. وسىلاي دەپ اقش پرەزيدەنتى دجو بايدەن سارسەنبى كۇنى مالىمدەدى.

ول تەلەفون ارقىلى ۋكراينا پرەزيدەنتى ۆلاديمير زەلەنسكيمەن سويلەسىپ، ەلدىڭ ەگەمەندىگى مەن دەموكراتياسىن قورعاۋ ءۇشىن كومەكتەسەتىنىن جەتكىزگەن.

بايدەننىڭ سوزىنشە، ۆاشينگتون كيەۆكە قوسىمشا زەڭبىرەك، قارۋ-جاراق جانە قورعانىس، زىمىران جۇيەلەرىن بەرەدى. اقش قوسىمشا گۋمانيتارلىق كومەك رەتىندە، سوعىستان زارداپ شەككەندەر ءۇشىن 255 ملن دوللار بولەدى. بايدەننىڭ مالىمدەمەسى اق ءۇيدىڭ سايتىندا جاريالاندى.

"ۋكراينا حالقىنىڭ باتىلدىعى، تاباندىلىعى جانە قايراتتىلىعى بۇكىل الەمگە سەرپىلىس بەرىپ وتىر. اقش وداقتاس ەلدەرمەن بىرگە ۋكراينا حالقىن ەركىندىگى جولىندا قولداي بەرەدى", - دەدى پرەزيدەنت.

ۋكراينا پرەزيدەنتى ۆلاديمير زەلەنسكي اقش جانە ناتو-عا مۇشە ەلدەردەن اۋىر زەڭبىرەكتەردى تەزىرەك جەتكىزۋدى سۇراعان. ۋكراينا قورعانىس ءمينيسترى ميحايل پودولياك ۋكراين ارمياسى جەڭىسكە جەتۋ ءۇشىن، بىرنەشە مىڭ دانا اۋىر تەحنيكا، اتاپ ايتقاندا، كاليبرى 155 مم بولاتىن 1000 اۋىر زەڭبىرەك، 300 قورعانىس جۇيەسى، 500 تانكى، 2000 برونەتەحنيكا جانە 1000 درون كەرەك دەگەن.

اقش قورعانىس ءمينيسترى للويد وستين قازىر بريۋسسەلدە "رامشتاين فورماتى" كەزدەسۋىندە. بۇل جيىنعا 45 ەلدىڭ قورعانىس ءمينيسترى قاتىسىپ جاتىر.

Abai.kz