قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ «روسسيا-24» تەلەارناسىنا جۋرناليست اندرەي كوندراشوۆقا بەرگەن سۇحباتىندا رەسەيگە قارسى سانكتسيالاردىڭ قازاقستانعا اسەرى تۋرالى ايتتى.

"ءبىز جۇمىستى جالعاستىرامىز. قازاقستان ەشبىر جاعدايدا ءوزىنىڭ وداقتاستىق مىندەتتەمەلەرىنەن باس تارتپايدى. بۇل بولاشاق تۇرعىسىنان دۇرىس ەمەس جانە سايىپ كەلگەندە نەگىزسىز بولار ەدى. ويتكەنى مەن رەسەيدىڭ قازىرگى قيىندىقتارعا توتەپ بەرەتىنىنە سەنىمدىمىن. بۇل ۇلكەن ەل، ايتارلىقتاي ۇلكەن ەكونوميكا. ال رەسەي، وتكەننىڭ تاجىريبەسى كورسەتكەندەي، توتەنشە جاعدايلاردا وتە جاقسى ارەكەت ەتەدى. سوندىقتان بۇل جەردە ەشقانداي كۇمان جوق. بىراق سانكتسيالار – بۇل سانكتسيالار. ءبىز ولاردى بۇزباۋىمىز كەرەك. ونىڭ ۇستىنە، سانكتسيالاردى بۇزعان جاعدايدا باتىستان ءبىزدىڭ ەكونوميكاعا قارسى «ەكىنشى رەتتىك سانكتسيالار» قولدانىلاتىنى تۋرالى حابارلامالار الامىز. ياعني، «ستسيللا مەن حاريبدا اراسىنداعى» ءۇزىندى دەپ اتاۋعا بولاتىن وتە كۇردەلى، نازىك جۇمىس ءجۇرىپ جاتىر", - دەدى پرەزيدەنت.

مەملەكەت باسشىسى قازاقستان رەسەي ۇكىمەتىمەن سانكتسيالاردى بۇزباي قاجەتتى كەلىسىمدەرگە قول جەتكىزۋ بويىنشا جۇمىستى جالعاستىرىپ جاتقانىن قوستى.

Abai.kz