ماسكەۋگە (پۋتينمەن كەزدەسۋگە) نازارباەۆ 110 ميلليون دوللار تۇراتىن جەكە ۇشاقپەن بارىپ، جانە دە ءبىر ءتۇنى 18 مىڭ دوللار تۇراتىن ريتتس كارلتون قوناق ۇيىندە دەمالىپتى. ول ءبىر پاتەرگە نەمەسە جۇزدەگەن ادامنىڭ زەينەتاقىسىنا تەڭ. وسى اقشانى نازارباەۆ ءبىر كۇندە شاشىپ تاستادى.

حالىق تاماققا اقشا تابا الماي وتىرسا، نازارباەۆ بايلىقتا مالىنىپ ءجۇر.
قوناەۆ اتامىز جۇمىسقا جاياۋ (كۇزەتسىز) بارعان دەسەدى. ال نازارباەۆتىڭ اتى-شۋلى (بۇرىنعى سانتەحنيك) ءىنىسى 4 ميلليون دوللارلىق بۋگاتتي كولىگىمەن جۇرەدى. بولات نازارباەۆ (پرەزيدەنت) اعام كومەك بەرمەدى دەپ قويادى. وندا قالاي ونىڭ بالاسى وتىز جاسىندا گەنەرال شەنىن يەلەنىپ، ال قىزى سۋديا رەتىندە ەڭ ۇلكەن دارەجەدەگى وردەن العان؟ نازارباەۆ اۋلەتى ءبىزدى (وسىلاي) وتىز جىل بويى اقىماق دەپ ساناپ كەلدى عوي.

مۇنايدان تۇسكەن پايدا ارقىلى نورۆەگيالىق پاتشا ولاف ءار وتانداسىن 200 مىڭ دوللارمەن قامتاماسىز ەتتى، بىراق ءوزى اۆتوبۋسپەن جۇرەتىن-ءدى. ءبىر كونتروللەر ونى تانىپ قالىپ، قاسىنان كورىنبەي وتپەكشى بولادى. بىراق ول پاتشالىق ارتىقشىلىعىنان باس تارتقان جانە بيلەتكە اقشا تولەگەن. ول - تاربيە. نازارباەۆ ءوزى وتباسىمەن بىرگە قازبا بايلىعىمىز ارقىلى ميللياردەر بولدى، ال حالىقتىڭ جارتىسىن 50 مىڭ تەنگە جالاقىمەن وتىرعىزىپ، مەملەكەتكە 160 ميلليارد دوللار قارىزدى قالدىرىپ كەتتى. ال بيلىك باس قالا مەن كوپتەگەن كوشەلەردى سونىڭ اتىنان قويىپ، ءبىراز جەرگە ەسكەرتكىشتەرىن ورناتتى.

ولافتىڭ بالاسى نورۆەگيانىڭ كەلەسى پاتشاسى بولدى. ال ول بالالارىن قاراپايىم مەكتەپكە وقۋعا بەردى، ال ءوزى اۋىرىپ قالسا، ەلمەن بىرگە جالپى پالاتادا جاتقان. ال بىزدە توقاەۆتىڭ 30 مىڭ دوللارلىق ساعاتپەن جۇرەتىن كومەكشىسى ارنايى ەمحانادا جەكە پالاتاعا جاتادى.

پەكيندە نورۆەگيا ەڭ كوپ التىن مەدال الدى، ويتكەنى مۇنايدان تۇسكەن اقشا مەديتسينا، سپورت جانە بىلىمگە جۇمسالعان. وسى سالالار نورۆەگيادا تەگىن. بىزدە 10% بولسا، ال نورۆەگيادا حالىقتىڭ جارتىسى سپورتپەن شۇعىلدانادى. سول سەبەپتەن قىلمىس، اراق جانە ناشاقورلىق تومەن دەڭگەيدە. نازارباەۆ بولسا، مۇنايدىڭ اقشاسىن حالىققا ەمەس كلانعا جىبەرگەن. سول سەبەپتەن بىزدە وقۋ جانە مەديتسينا اقىلى جانە وپەراتسيا مەن ءبىر جىلدىق وقۋ ميلليون تۇرادى، ال سپورتپەن اينالىسۋ اقشاسىز بولمايدى.

نازارباەۆتىڭ بيلىگى كەتتى، ورنىنا جاڭا ادامدار كەلدى دەپ جاتىر. ولار كىمدەر (سوندا)? قاراعاندىنىڭ اكىمى 5 مىڭ دوللار تۇراتىن ساعات تاعادى، مەملەكەتتىك جۇمىس اگەنتتىلىگىنىڭ باستىعى 4 مىڭ دوللارلىق سومكەمەن جۇرەدى. وسىنداي مەنتاليتەتتەن ارىلماعان شەنەۋنىكتەر حالىق تۋرالى قالاي ويلايدى؟ جاقىندا ءبىلىم سالاسىندا جاڭا مينيستر قىزمەتكە كەلدى (ونىڭ بالالارى شەتەلدە وقيدى ەكەن). ول ءبىزدىڭ بىلىمگە سەنبەسە، ونى قالاي كوتەرمەكشى؟

ەرجان ورىمبەتوۆ

Abai.kz