پارلامەنت قازاقستان پرەزيدەنتى قاسىم-جومارت توقاەۆتىڭ ورتالىق ازيا، كونگو، مالي جانە ليۆانداعى بۇۇ ميسسيالارىنا قاتىسۋ ءۇشىن قازاقستان قارۋلى كۇشتەرىنىڭ بىتىمگەرشىلىك كونتينگەنتىن جىبەرۋ تۋرالى ۇسىنىسىن ماقۇلدادى. 

"كونستيتۋتسيانىڭ 53-بابى 5-تارماعىنا سايكەس بۇۇ-نىڭ ورتالىق افريكا رەسپۋبليكاسىنداعى تۇراقتاندىرۋ جونىندەگى كوپبەيىندى كەشەندى ميسسياسىنا، بۇۇ-نىڭ كونگو دەموكراتيالىق رەسپۋبليكاسىنداعى تۇراقتاندىرۋ جونىندەگى ميسسياسىنا، بۇۇ-نىڭ ماليدەگى تۇراقتاندىرۋ جونىندەگى كوپبەيىندى كەشەندى ميسسياسىنا، بۇۇ-نىڭ ليۆانداعى ۋاقىتشا كۇشتەرىنىڭ ميسسياسىنا قاتىسۋ ءۇشىن شامامەن 430 اسكەري قىزمەتشىنى قارۋلى كۇشتەردىڭ بىتىمگەرشىلىك كونتينگەنتىن جىبەرۋ تۋرالى ۇسىنىس ەنگىزەمىن" - دەدى جاقسىلىقوۆ پارلامەنت پالاتالارىنىڭ بىرلەسكەن وتىرىسىندا.

قورعانىس مينيسترلىگىنىڭ باسشىسى قازاقستاننىڭ شتابتىق وفيتسەرلەر جانە اسكەري باقىلاۋشىلار رەتىندە جەكەلەگەن اسكەري قىزمەتشىلەردى، سونداي-اق بۇۇ ميسسيالارىنا بارىنشا سۇرانىسقا يە جاياۋ اسكەر، مەديتسينالىق، بارلاۋ، ينجەنەرلىك اسكەري پوليتسيا بولىمشەلەرىن بولۋگە دايىن ەكەنىن اتاپ ءوتتى.

Abai.kz