تاجىكستان مەن قىرعىزستان اراسىنداعى مەملەكەتتىك شەكارا 987 شاقىرىمعا سوزىلىپ جاتىر، سونىڭ 664 شاقىرىمىنىڭ عانا رەسمي مارتەبەسى انىقتالعان. داۋلى جەرلەردە قاقتىستار مەن جانجالدار ۇنەمى بولىپ تۇرادى.
تاجىكستان بيلىگىنىڭ مالىمدەۋىنشە، كەيىنگى ءبىر جىلدا قىرعىزستانمەن اراداعى شەكارانىڭ تاعى 80 شاقىرىمنان استامى بەكىتىلدى. مەملەكەتتىك شەكارانىڭ ناقتى قاي بولىگى ەكەنى ايتىلمادى.
21 شىلدەدە شولپان-اتا قالاسىندا ورتالىق ازيا ەلدەرى باسشىلارىنىڭ كەڭەس الماسۋ جيىنىندا قىرعىزستان پرەزيدەنتى سادىر جاپاروۆ وزبەكستان جانە تاجىكستانمەن اراداعى شەكارالاردى دەليميتاتسيالاۋ جۇمىسى ءجۇرىپ جاتقانىن ايتىپ ءوتتى. "ساياسي جىگەرلىك تانىتقان ءبىز بۇل شەكارالاردى بەيبىتشىلىك پەن تۇراقتىلىق ايماعىنا اينالدىرۋعا كۇش سالامىز، ال فەرعانا القابىن ناعىز وازيسكە اينالدىرامىز", - دەدى جاپاروۆ.
دۋشانبە مەن بىشكەك شەكارادا جانجال بولعان ۋاقىتتا ادەتتە ءبىر-ءبىرىن ايىپتايدى. كورشى ەكى ەل اراسىنداعى شەكارادا ەڭ ءىرى قارۋلى جانجال 2021 جىلعى ساۋىردە بولدى. سول كەزدە 55 ادام قازا تاۋىپ، 200-دەن استام ادام جارالاندى، ونداعان ءۇي ورتەنىپ كەتتى. جانجالدان كەيىن قىرعىزستان تاجىكستانمەن اراداعى شەكاراسىن تولىق جاۋىپ تاستادى.
Abai.kz
