وشتا ءۇش رەسەيلىك قازا بولعان جول اپاتى وقيعاسى بويىنشا سوت-مەديتسينالىق ساراپتاما دايىندالىپ، تەرگەۋ ءجۇرىپ جاتىر. بۇل تۋرالى وش قالاسىنىڭ ميليتسياسى حابارلادى.

بىرقاتار اقپارات قۇرالدارى قازا بولعان ءۇش ادام رەسەيدىڭ فەدەرالدىق قاۋىپسىزدىك قىزمەتى جانىنداعى شەكارا قىزمەتىنىڭ اسكەرلەرى ەكەنىن جازىپ جاتىر. رەسەيدىڭ قىرعىزستانداعى ەلشىلىگى مەن وش باس كونسۋلدىعى بۇل وقيعا بويىنشا ەشقانداي مالىمەت بەرمەي وتىر.

وش قالالىق ىشكى ىستەر باسقارماسىنىڭ ءباسپاسوز قىزمەتىنىڭ وكىلى ابساتار تاۆاكالوۆتىڭ سوزىنشە، وقيعا 26 شىلدەگە قاراعان ءتۇنى بولعان.

"گاپار ايتيەۆ كوشەسىندە شامامەن تۇنگى 1:30 شاماسىندا "حوندا" ۇلگىسىندەگى كولىك جارناما ورناتىلعان باعاناعا سوعىلعان. سول جەردە قازا تاپقان ءۇش ازاماتتىڭ دا رەسەيلىك ەكەنى انىقتالدى", - دەيدى تاۆاكالوۆ.

قازا بولعانداردىڭ جاسى 47, 40 جانە 36-دا ەكەنى ايتىلىپ جاتىر. وشتا رەسەيدىڭ فەدەرالدىق قاۋىپسىزدىك قىزمەتىنىڭ شاعىن شەكارا توبىنىڭ وكىلدىگى بار.

Abai.kz