2017 جىلعا دەيىن وبلىستاعى بارلىق ەلدى مەكەندەر مەن قالالاردىڭ باس جوسپارى  جاسالىپ بىتەتىن بولادى.
وبلىستىق ساۋلەت جانە قالا قۇرىلىسى باسقارماسىنىڭ باستىعى امانباي نۇركەنوۆ ايماقتاعى ساۋلەت قۇرىلىسىنىڭ بۇگىنگى بەتالىسى جايىندا وتكىزگەن ءباسپاسوز ءماسليحاتىندا بيىل زايسان، اياگوز قالالارى مەن قالباتاۋ  اۋىلدارىنىڭ، كەلەر جىلى زىريان قالاسىنىڭ باس جوسپارى جاسالاتىنىن ايتتى. كەنشىلەر مەن مەتاللۋرگتەر قالاسىنىڭ باس جوسپارىنا 56 ميلليون تەڭگە جۇمسالماق كورىنەدى. سونىمەن الداعى جىلى بارلىق اۋدان ورتالىقتارى مەن وبلىستىق ماڭىزداعى قالالاردىڭ باس جوسپارلارى جاسالىپ بىتپەك. وسكەمەن، سەمەي، ريددەر، كۋرچاتوۆ قالالارىنىڭ باس جوسپارلارى ەكى-ءۇش جىل بۇرىن  قايتادان جاسالىپ، جاڭادان بەكىتىلگەن بولاتىن. قازىرگى كۇنى ايماقتاعى تۇرعىندار سانى 500 ادامنان اساتىن 304 ەلدى مەكەننىڭ 203-ءىنىڭ باس جوسپارى بار بولعانىمەن، 178-ءىن قايتادان جاساپ، بەكىتۋ كەرەك بولىپ وتىر.
اۋداندارداعى ساۋلەت بولىمدەرىنىڭ قىسقارىپ قالعاندىعى، ساۋلەتشى مامانداردىڭ  ازدىعى ايماقتارداعى ساۋلەتتەندىرۋ جۇمىستارىنا كەدەرگىسىن تيگىزبەي وتىرعان جوق. اۋداندارداعى ساۋلەت بولىمدەرى قارجىنىڭ جوقتىعىنان قىسقارتۋعا ۇشىراپ كەتىپتى. قۇرىلىس بولىمىندە ءبىر ساۋلەت مامانى بىرلىگى بار بولعانىمەن، وندا وزگە ماماندىق يەلەرى جۇمىس ىستەپ جاتىر ەكەن. سوڭعى جىلدارى زايسان، ۇلان، تارباعاتاي، زىريان اۋداندارىندا عانا ساۋلەت بولىمدەرى قايتادان اشىلىپتى. قالعان ون ءبىر اۋدان مەن قالادا جوق.

2017 جىلعا دەيىن وبلىستاعى بارلىق ەلدى مەكەندەر مەن قالالاردىڭ باس جوسپارى  جاسالىپ بىتەتىن بولادى.
وبلىستىق ساۋلەت جانە قالا قۇرىلىسى باسقارماسىنىڭ باستىعى امانباي نۇركەنوۆ ايماقتاعى ساۋلەت قۇرىلىسىنىڭ بۇگىنگى بەتالىسى جايىندا وتكىزگەن ءباسپاسوز ءماسليحاتىندا بيىل زايسان، اياگوز قالالارى مەن قالباتاۋ  اۋىلدارىنىڭ، كەلەر جىلى زىريان قالاسىنىڭ باس جوسپارى جاسالاتىنىن ايتتى. كەنشىلەر مەن مەتاللۋرگتەر قالاسىنىڭ باس جوسپارىنا 56 ميلليون تەڭگە جۇمسالماق كورىنەدى. سونىمەن الداعى جىلى بارلىق اۋدان ورتالىقتارى مەن وبلىستىق ماڭىزداعى قالالاردىڭ باس جوسپارلارى جاسالىپ بىتپەك. وسكەمەن، سەمەي، ريددەر، كۋرچاتوۆ قالالارىنىڭ باس جوسپارلارى ەكى-ءۇش جىل بۇرىن  قايتادان جاسالىپ، جاڭادان بەكىتىلگەن بولاتىن. قازىرگى كۇنى ايماقتاعى تۇرعىندار سانى 500 ادامنان اساتىن 304 ەلدى مەكەننىڭ 203-ءىنىڭ باس جوسپارى بار بولعانىمەن، 178-ءىن قايتادان جاساپ، بەكىتۋ كەرەك بولىپ وتىر.
اۋداندارداعى ساۋلەت بولىمدەرىنىڭ قىسقارىپ قالعاندىعى، ساۋلەتشى مامانداردىڭ  ازدىعى ايماقتارداعى ساۋلەتتەندىرۋ جۇمىستارىنا كەدەرگىسىن تيگىزبەي وتىرعان جوق. اۋداندارداعى ساۋلەت بولىمدەرى قارجىنىڭ جوقتىعىنان قىسقارتۋعا ۇشىراپ كەتىپتى. قۇرىلىس بولىمىندە ءبىر ساۋلەت مامانى بىرلىگى بار بولعانىمەن، وندا وزگە ماماندىق يەلەرى جۇمىس ىستەپ جاتىر ەكەن. سوڭعى جىلدارى زايسان، ۇلان، تارباعاتاي، زىريان اۋداندارىندا عانا ساۋلەت بولىمدەرى قايتادان اشىلىپتى. قالعان ون ءبىر اۋدان مەن قالادا جوق.
- ويتكەنى قازىرگى كۇنى اۋىلعا باراتىن ساۋلەتشى ماماندار تابىلماي وتىر.  وبلىستا ساۋلەتشىلەر دايارلايتىن ارنايى جوعارى وقۋ ورنى، فاكۋلتەت بار بولسا دا جاس ماماندار اۋىلعا بارعىسى كەلمەيدى. قالادا قالۋدى ويلايدى. سوندىقتان ولاردى دا «ديپلوممەن - اۋىلعا» باعدارلاماسىنداعى دارىگەر، پەداگوگ ماماندىقتارى يەلەرىنىڭ قاتارىنا قوسىپ، اۋىلعا بارىپ جۇمىس ىستەۋىنە جاعداي تۋعىزۋ كەرەك، - دەيدى امانباي نۇركەنوۆ.
«اباي-اقپارات»