9 تامىزدا سانكت-پەتەربۋرگ قالاسى جانە لەنينگراد وبلىسىنداعى زاپاستاعى جاۋىنگەرلەردىڭ ءبىر بولىگى ۋكراينامەن شەكتەسەتىن ايماقتارعا جىبەرىلدى. بۇل تۋرالى "ۆيورستكا" باسىلىمى قۇقىق قورعاۋشىلار مەن زاپاستاعى اسكەرلەردىڭ سوزىنە سىلتەمە جاساپ حابارلادى.

قۇقىق قورعاۋشىلاردىڭ سوزىنشە، زاپاستاعى جاۋىنگەرلەردەن ونداعان شاعىم تۇسكەن. ولار وزدەرىن اسكەري كوميسسارياتتارعا شاقىرىلعانىن جانە قانداي دا ءبىر قۇجاتقا قول قويۋعا ماجبۇرلەگەنىن ايتقان. وسىدان كەيىن ولاردى ۋكراينامەن شەكتەسەتىن بەلگورود وبلىسىنا الىپ كەتكەن. زاپاستاعى اسكەرلەردى مەديتسينالىق تەكسەرۋدەن دە وتكىزبەگەن. وندا "اسكەري دايىندىق" 60 كۇنگە سوزىلادى دەگەن.

“تولقۇجات، اسكەري بيلەتىن الىپ، بەلگورود وبلىسىنا جىبەرىپ جاتىر. جاس قۇرامى ءارتۇرلى: 26, 30, 40 جاس شاماسىندا", - دەيدى قۇقىق قورعاۋشىلاردىڭ ءبىرى.

Abai.kz