سوڭعى ءبىر-ەكى كۇندە بۇرىنعى ءماجىلىس دەپۋتاتى، بۇكىلالەمدىك ەتنوسپورت كونفەدەراتسياسىنىڭ ۆيتسە-پرەزيدەنتى بەكبولات تىلەۋحان مەن ايتىسكەر اقىن رينات زايىتوۆتىڭ اراسىندا ءسوزتالاس تۋدى.  

رينات زايىتوۆ تىلەۋحانوۆ «قاڭتار وقيعاسىنىڭ بولاتىنىن بىلە تۇرا ايتپاي كەتتى» دەسە، ەكس-دەپۋتات «رينات جالا جاپتى» دەپ وتىر. ءبىز ەكەۋدىڭ باق بەتىندەگى ايتىسىن وقىرمان تالقىسىنا ۇسىنباقپىز.

ء“وز باسىم بەكبولات تىلەۋحان دەگەن ءانشىنى جاقسى كورەم. ونىمەن شىنايى قۇشتارلىقپەن سويلەسەمىن، ارالاسىمىن، اڭگىمەسى دە ۇنايدى. بىراق مەن وعان قاڭتاردا وكپەلەدىم. ول سونىڭ ىشىندە ءجۇردى، ءبارىن ءبىلدى عوي. ءبىر اۋىز ايتسا بولاتىن ەدى. «جىگىتتەر، وسىلاي جاسالىپ جاتقان نارسە، اباي بولىڭدار» دەپ. سونىسىنا عانا وكپەلەدىم...

ول (بەكبولات تىلەۋحان) جەلتوقسان ايىندا ءوز ەركىمەن كەتتى. ونىڭ كەتۋىنە تۇرتكى بولعان وسى اڭگىمەلەردىڭ شەت جاعاسىن ءبىلۋى دەپ ويلايمىن. ءبىر جاعى وسىعان قاتىسپايىن دەپ كەتىپ قالعان شىعار. ويتكەنى وسى ۋاقىتقا دەيىن سولاردىڭ قاسىندا جۇرگەننەن كەيىن، ونى دا قاتىسۋعا ماجبۇرلەيتىن ەدى. ايتپاي كەتكەنى وكپەلەتتى. ايتۋى كەرەك ەدى. ول كىسىدە مۇمكىندىك بولدى. ءبىز دە وعان "اعا" دەپ قاراپ وتىردىق. 104 دەپۋتاتتىڭ 103-ءى نە دەسە دە، ءبىز بەكبولات اعانى تىڭدايتىن ەدىك. ويتكەنى ۇلتتىق ونەردىڭ ادامى بولعاننان كەيىن، ءبىز ونىمەن ءبىر داستارحان باسىندا اڭگىمەلەسكەنبىز، ونىڭ ايتقانىنا سەنەمىز", - دەدى رينات زايىتوۆ  ULYSMEDIA-عا بەرگەن سۇحباتىندا.

بەكبولات تىلەۋحان رينات زايىتوۆتىڭ سوزىنە جاۋاپ بەرىپ، ايتىسكەردىڭ وزىنە جالا جاپقانىن ايتتى.

"قازاق وكپەلەسە دە، ولىمگە قيمايدى" دەۋشى ەدى اعايىن. رينات باۋىرىم ولىمگە قيدى. "قاندى قاڭتار وقيعاسىن ءبىلىپ تۇرىپ، بىزگە ايتپادى" دەگەن سۇمدىق اۋىر جالا جاپتى. ال ەندى وعان اۋزىنا سالىپ، كادىمگىدەي ىڭعايلاپ "بەكبولات تىلەۋحان نەگە ءسىزدى جەك كورەدى؟" دەپ وتىر. انا جەردە سامال يبراەۆانىڭ كوزىنشە ءسويتىپ جاتىر. بۇعان بايلانىستى نەگە مەن جەك كورۋىم كەرەك؟ رينات ونەرى دەڭگەيلەس ادام ەمەس، جاقسى دەڭگەيلەس ادام ەمەس. ساياساتتاعى لاۋازىمى دەڭگەيلەس ادام ەمەس. ەندى قازىر ءار نارسەگە كوڭىلى تولماي، ايعايلاپ شىققان ادامدار "پوپۋليارنىي" بولا بەرەتىن زامان عوي. ونداي ءبىر كەرەمەتتەي جەك كورەمىن دەگەن ءسوز اۋزىمنان شىققان ەمەس. جەك كورمەيمىن دە. ال جالپى قارىم-قاتىناسىمىزدى بىلگىڭىز كەلسە... بىلاي ىستەيدى... قازىر ءوزى ۇناتپايتىن ءبىر نارسەم بار. بىرەۋدىڭ بىرەۋگە جازعان حاتىن، سويلەگەن ءسوزىن شىعارىپ جاتادى عوي. اماناتقا قيانات جاسادى دەپ... بىرەۋدىڭ بىرەۋگە ايتقان سىرىن ەلدىڭ بەتىنە، جارياعا جار سالىپ جاتادى... وسىنداي ءبىر تەكسىزدىك قازىر جان-جاعىمىزدى باسىپ كەتتى عوي. ال مىنا جەردە مەن ونداي جاعدايدا ەمەس، قازىر ءماجبۇرلى كۇيدە جالپى رينات ەكەۋمىزدىڭ ارامىزدىڭ قانداي ەكەنىن كورسەتەتىن بىرنارسەنى تىڭداتايىن", -دەيدى بەكبولات تىلەۋحان.

بەكبولات تىلەۋحان رينات زايتوۆتىڭ وزىنە جىبەرگەن اۋىزشا حابارلاماسىن تىڭداتتى.

ول جەردە ايتىسكەر اقىن بىلاي دەيدى:

"بەكبولات اعا، اسسالاۋماعالەۋكۋم! قالدارىڭىز قالاي؟ امانسىزدار ما؟ دەنساۋلىقتارىڭىز؟ رينات زايتوۆ دەگەن جامان باۋىرىڭىزبىن. اعا، سىزگە ءبىر ايتارىم بار ەدى.. ءبىر كەڭەس سۇرايىن. اقىلداساتىن شارۋام بار ەدى. قالاي سويلەسە الامىن؟ پالە-جالادان ساقتاسىن. ءسوزىمنىڭ، ويىمنىڭ ءتۇيىنى مىناۋ... ءسىزدىڭ اينالاڭىزعا ءبىر قارايىقشى. وسى ءبىزدى... قازاقتى قازاققا ايداقتاپ قويىپ، نەگە وسى ءبىر-ءبىرىمىزدى ءبولىپ جاتىر دەيمىن دا... اقىنىمىزدى، ءبارىمىزدى... ءبىز سونىڭ جەتەگىندە ءجۇرمىز نەگىزى... ءوز باسىم مويىندايمىن. سونى ءبىر وتىرىپ، اقىلداسايىقشى دەگەنمىن، اعا، سىزبەن. بۇل مۇلدەم باسقا نارسە سەكىلدى ماعان. قازاقتى قازاققا ىرىلداستىرىپ قايتا-قايتا... ءدىندى دە ايتا بەرۋگە بولادى، ساياساتتى دا ايتا بەرۋگە بولادى. بىراق ناتيجەسىندە قازاق پەن قازاق، ۇكىمەت پەن حالىق دەسەك تە، قازاق پەن قازاق... وسى ارامىز قاتتى ءبولىنىپ جاتقان سەكىلدى اعا ماعان... سول جايىندا اقىلداسايىن دەپ ەدىم شىنىمەن. قولداساڭىز", - دەپتى رينات زايتوۆ بەكبولات تىلەۋحانعا. 

بەكبولات تىلەۋحان زايتوۆتىڭ بۇل ارەكەتىن "ەكىجۇزدىلىككە" تەڭەدى.

"پالە-جالادان ساقتاسىن", - دەيدى دا، پالە جابادى ماعان... دۇرىس ايتاسىڭ. سەن مويىنداپ وتىرسىڭ. مەنى ايتاقتاپ جاتىر دەپ. مەنى دە ايتاقتاعان. بىراق، مەن ەشقانداي ايتاقتاعانعا كونگەن جوقپىن. نەگە ءبولىپ جاتىر دەپ مەن سەنەن سۇرايىن؟ ماعان تيىسكەن سەن. ايتىستا دا تيىسكەن سەن. باسقا جەرلەردە دە تيىسكەن سەن. اناۋ كلاسستاس باۋىردىڭ ايتقانى بار عوي... "اعا، ءسىز كوڭىلىڭىزگە الماڭىز ەندى... ءىشىپ الىپ، شەگىپ الىپ... رينات ايتا بەرەدى" دەگەننەن كەيىن ءبىر جاعىنان كەشىرگىم كەلىپ ءجۇر.  ال شىن نيەتىندە ساياساتكەر بولامىن دەگەن ويدا بولىپ جاتساڭ، بۇل دۇرىس نارسە ەمەس. وسىنىڭ جەتەگىندە ءجۇرمىز، ونى ءوز باسىم مويىندايمىن دەپ وتسىڭ. قالاي دەسە دە "جاپالاقتى تاسپەن ۇرساڭ دا جاپالاق ولەدى، تاستى جاپالاقپەن ۇرساڭ دا جاپالاق ولەدى". وسىدان زيان شەگەتىن تەك قانا قازاق. ساياساتكەر بولامىن دەگەندە، سەن  "زاڭداردى جاتتايمىن" دەپ ايتتىڭ عوي. ادام زاڭ جاتتاپ "ساياساتكەر" بولمايدى. ادام تاريحي زاڭدىلىقتاردى مەڭگەرىپ ساياساتكەر بولادى. بىرنارسەنى بىلەدى. احمەت، مىرجاقىپ، ءاليحانداردى قاسىندا جۇرگەن قازاقتار ساتتى. بىراق سول وق كەيىن وزدەرىنە ءتيدى. سەندەر ماعان جابىسىڭدار. مەنىڭ كوزىمدى قۇرتۋعا تىرىسساڭدار، ارتىقشىلىعىم سول. تاريحتىڭ زاڭدىلىعى سولاي. تاريح قايتالانىپ وتىرادى. ول ماسەلەدەن بايقاڭدار. ەندى مىناداي ءسوز ايتتىڭدار! اعالاپ تۇرسىڭ! مويىندايمىن دەپ تۇرسىڭ! قازاق قازاققا دەپ جانىن اشىعاندا جۇرەگىن اۋزىننان شىعىپ كەتەيىن دەپ تۇر. ال ىستەلگەن شارۋا مىناۋ. ەكىجۇزدىلىك پە؟ تەكسىزدىك پە؟ كلاسستاسىن ايتپاقشى ء"ىشىپ الىپ، شەگىپ الادى" دەگەندەي تەرپيلاسىڭ با؟ چەرتسىڭ با؟ قالاي تۇسىنۋگە بولادى بۇنى؟ كوپ نارسەنى ءبىلىپ تۇرسىڭ عوي. ەندى وسىنشاما پوپۋليست بولۋعا، وسىنشالىقتى تانىمالدىلىقتىڭ قۇلى بولۋعا بولا ما ەكەن؟", - دەدى بەكبولات تىلەۋحان.

ايتىسكەر اقىن رينات زايتوۆ بەكبولات تىلەۋحانعا "سىزدىكى - "دۇرىس", مەنىكى-"اعاتتىق" دەپ، اڭگىمەنى وسى جەردەن دوعاراتىنىن حابارلادى.

"اسسالاۋماعالايكۋم اسا قۇرمەتتى بەكبولات اعا. ماعان جولداعان ۆيدەوسالەمىڭىزدى كوردىم. تاڭىرقادىم دەپ وتىرىك ايتا المايمىن. وسىلاي قابىلدايتىنىڭىزدى سەزدىم. بىراق تۇسىندىرمەسىن كەزدەسكەندە بەرەمىن اۋ دەپ ويلاعانمىن. وعان مىنا الەۋمەتتىك جەلىدەگى اڭگىمە ءوزىمىز توقتاتپاي، تىيىلمايتىن سياقتى. سوندىقتان ءبىر ءسوزىمدى جەتكىزۋگە تىرىسايىن. اعا، وزىڭىزگە بىلتىر عانا حابارلاسقانداعى ايتقان ءسوزىم سول ءسوز. مەن ءسىزدى ەشتەڭەگە قاراماستان، اعا دەپ قۇرمەتتەيمىن، قايتالانباس تالانت - دەپ جاقسى كورەمىن! ال كەيبىر جاعدايلاردا تانىتقان وسالدىعىڭىزدى تۋرا سىناسام، ول - ىنىلىك نازىم، اقىندىق اساۋلىعىم. ول وكپەمنىڭ ورنى بار دەپ ويلايمىن. سەبەبى: قازىرگى ۋاقىتتا ءبىزدىڭ ەلدە رەسمي مالىمەتتەر قاڭتارداعى قىرعىنعا ءسىزدىڭ دوس تۇتىپ جۇرگەن ازاماتتاردى كۇدىكتى تانىپ، تەرگەۋ جۇرگىزۋدە. دەمەك، ەگەر ول مالىمەتتەر راس بولسا، ءسىزدىڭ دوستارىڭىزدىڭ جوسپارلارىنان حابارسىز بولعانىڭىزعا سەنبەيمىن. ال وتىرىك بولسا، وندا قازىرگى بيلىك ءبىزدى الداپ، اقىماق كورىپ، جازىقسىز ادامداردىڭ موينىنا جۇزدەگەن ادامنىڭ قانىن ارتقالى تۇر دەگەن ءسوز. سىزدىكى قايسىسى؟ نە بولسا دا، ەكى جاعدايدا دا ەشتەڭە كورمەگەنسىپ، ۇندەمەي قالۋ سىزگە سىن اعا. جاقسى. جاۋاپ ويلاپ التىن ۋاقىتىڭىزدى كەتىرمەڭىز. سىزگە بىردەڭە دالەلدەپ، ىرىلداسىپ تالاسۋ ويىمدا جوق. ويتكەنى قازاق ونسىز دا جان-جاققا توپتالىپ الىپ، قىرىق پىشاق بولىپ جاتىر. ەندى قالماعانى بەكبولات تىلەۋحان مەن ريناتتىڭ جاقتاستارىنىڭ شايقاسۋى ما؟ قۇرىسىن. ايىپ ەتپەڭىز. ونداي ەلگە ەش پايداسى جوق، "ونبەس وسەكتەر" جارىسىنا جۇيكەم مەن ۋاقىتىمدى كەتىرمەيمىن. بەكبولات اعا سىزدىكى - "دۇرىس", مەنىكى- "اعاتتىق". ءسىز - جاقسى، مەن - جامان. وسى جەردەن قويدىم. ءسىز دە سويتەتىن شىعارسىز؟...", - دەپ جازدى ايتىسكەر اقىن ءوزىنىڭ ينستاگرام پاراقشاسىندا.

ايتا كەتەيىك، ەكس-دەپۋتات بەكبولات تىلەۋحان بيىل 29 جەلتوقساندا دەپۋتاتتىق مانداتىن تاپسىرعان. ارتىنشا ونىڭ باس كەڭسەسى تۇركيادا ورنالاسقان بۇكىلالەمدىك ەتنوسپورت كونفەدەراتسياسىنىڭ ۆيتسە-پرەزيدەنت بولىپ تاعايىندالعانى بەلگىلى بولدى.

Abai.kz