قازاقستان دۇنيەجۇزىلىك بانكتەن 345,7 ملن ەۋرو قاراجات الۋ تۋرالى كەلىسىمگە قول قويدى، دەپ حابارلايدى بانكتىڭ ءباسپاسوز قىزمەتى.

"بۇگىن دۇنيەجۇزىلىك بانكتىڭ ورتالىق ازياداعى وڭىرلىك ديرەكتورى تاتيانا پروسكۋرياكوۆا مەن قازاقستان رەسپۋبليكاسى پرەمەر-ءمينيسترىنىڭ ورىنباسارى – قارجى ءمينيسترى ەرۇلان جاماۋباەۆ جەكە سەكتوردىڭ باسەكەگە قابىلەتتىلىگىن ارتتىرۋ جانە Covid-19 پاندەمياسىنان كەيىن قازاقستان ەكونوميكاسىنىڭ تۇراقتى قالپىنا كەلۋىن قامتاماسىز ەتۋ ءۇشىن 345,7 ملن ەۋرو سوماسىنداعى قاراجات تۋرالى كەلىسىمگە رەسمي تۇردە قول قويدى", - دەلىنگەن حابارلامادا.

بەرەشەك سومانى دۇنيەجۇزىلىك بانكتىڭ ديرەكتورلار كەڭەسى 2021 جىلعى جەلتوقساندا ماقۇلدادى، ال ءتيىستى جارلىققا قازاقستان رەسپۋبليكاسىنىڭ پرەزيدەنتى 2022 جىلعى 2 شىلدەدە قول قويدى.

قاراجات جەكە سەكتوردىڭ ەكونوميكاداعى ءرولىن نىعايتۋ جانە مەملەكەتتىك اپپاراتتىڭ ەسەپتىلىگى مەن اشىقتىعىن ارتتىرۋ ارقىلى جوعارى جانە ورنىقتى ەكونوميكالىق ءوسۋدى قامتاماسىز ەتۋگە باعىتتالعان بەلگىلەنگەن ينستيتۋتسيونالدىق جانە قۇرىلىمدىق رەفورمالاردى قارجىلاندىرۋعا باعىتتالعان.

قارىزدى وتەۋ مەرزىمى 11,5 جىلدى قۇرايدى جانە قوسىمشا 2,5 جىل جەڭىلدىك كەزەڭى بەرىلەدى.

"قازاقستان دۇنيەجۇزىلىك بانك توبىنا قوسىلعان ساتتەن باستاپ سوڭعى 30 جىل ىشىندە ەلگە ۇسىنىلعان قولداۋ كولەمى قارجى مەن الەۋمەتتىك قىزمەتتەردەن باستاپ اسا ماڭىزدى ينفراقۇرىلىمعا دەيىنگى ءتۇرلى باعىتتاردا $8,6 ملرد – تان استام قاراجات العان", - دەلىنگەن حابارلامادا.

Abai.kz