ءماجىلىس دەپۋتاتى دارحان مىڭباي تۇركىستان وبلىسى، ساۋران اۋدانىنا باردى. وندا «AMANAT» پارتياسىنىڭ سايلاۋالدى باعدارلاماسى اياسىندا سالىنىپ جاتقان قوسمەزگىل ەلدى مەكەنىندەگى 300 ورىندىق جالپى ءبىلىم بەرەتىن ورتا مەكتەپتىڭ قۇرىلىس جۇمىستارىمەن تانىسىپ، قۇرىلىسشىلارمەن كەزدەستى.

ساۋران اۋدانىندا وسى جىلدىڭ قازان ايىندا 300 ورىندىق مەكتەپ پايدالانۋعا بەرىلەدى. بۇگىنگە دەيىن بۇكىل اۋىل بالالارى ءبىر عانا مەكتەپتەن ءبىلىم العان.

جاڭادان قۇرىلعان اۋداندا بوي كوتەرگەن ءبىلىم نىسانىنىڭ قۇرىلىسىمەن تانىستىق. مەكتەپتەردى سالۋ بارىسىندا حالىقتىڭ پىكىرىمەن ساناسىپ، بالا سانىنا باسا ءمان بەرگەن ءجون. بالالاردىڭ سۇرلىگىپ وقىماۋى ءۇشىن جان-جاقتى امالداردى قاراستىرۋىمىز كەرەك. مىنا مەكتەپتە بۇرىن-سوڭدى مەكتەپتەردە بولماعان جەدەلساتى ورناتىلادى ەكەن. جاۋاپتى ازاماتتار ءبىر ماسەلەنى اتاپ ءوتتى. ول سپورت زالى مەن اكت زالىن بىرىگىپ كەتۋى. مۇنى جوبالاۋشىلار مەن قۇرىلىسشىلاردىڭ قايتا قاراۋلارىن ۇسىندىم، – دەدى دارحان مىڭباي.

دەپۋتاتتىڭ ايتۋىنشا، مەكتەپ سالۋ ماسەلەسىندە جاۋاپتى مەملەكەتتىك ورگاندار ەل بويىنشا تەك ءبىر قاۋلىمەن جۇمىس جۇرگىزبەي، وڭىرلەردىڭ ەرەكشەلىكتەرى، بالا سانى جانە حالىقتىڭ تالاپ-تىلەگىنە نازار اۋدارسا، تۋىندايتىن كەدەرگىلەر مەن كەمشىلىكتەردىڭ ورنى تولادى.

Abai.kz